Kwamamaza

U Bubiligi: Abanyarwanda bateguye umugoroba w’ubusabane uzibanda ku mbyino gakondo

Yanditswe kuya 23-09-2016 saa 15:13' na Karirima A. Ngarambe


Umuryango w’Abanyarwanda baba mu Bubiligi (DRB-Rugari), Ishami ryo mu Mujyi wa Liège wateguye umugoroba w’ubusabane uzahuriramo abantu baturutse imihanda yose muri iki gihugu, hagamijwe kurushaho kwerekana umuco Nyarwanda ndetse no kunoza umubano n’abandi.

Abanyarwanda baba mu Bubiligi n’inshuti zabo bazahurira muri iki gikorwa kizabera kuri Rue de l’Espérance nr 10 / 4000 i Liège, kuya 8 Ukwakira 2016 bazabona umwanya uhagije wo gusabana.

Gahunda z’ibitaramo bitegurwa n’Abanyarwanda b’ingeri zitandukanye barimo n’abayobozi bakuru b’Igihugu bazenguruka isi bagura amarembo y’u Rwanda,no gutsura umubano, mu biganiro bagirana hagarukamo gukomeza umuco ubumbatiye indangagaciro nyarwanda zikubiyemo gukunda igihugu, kwanga umugayo, kumenya aho uva bigufasha kumenya aho ujya, kubana neza n’abandi mukuzuzanya n’ibindi.

Iki gitaramo kizahuza abanyarwanda n’inshuti zabo, ni imbarutso y’ibiganiro, ubusabane, ndetse ni umwanya mwiza ku bahanzi Nyarwanda wo kugaragaza umuco gakondo biciye mu ndirimbo n’imbyino za Kinyarwanda.

Umuyobozi wa Diaspora Nyarwanda mu Mujyi wa Liège, Christine Mujawamariya yararikiye Abanyarwanda bose kwitabira mu rwego rwo gushimangira ubumwe buhora bubaranga.

Ati “Turaritse Abanyarwanda n’inshuti zabo batuye mu Bubiligi no mu nkengero zaho rwose bazaze dufatanye iyi gahunda izatubere umugoroba w’ibyishimo n’uburyo bwo gukomeza kungurana inama y’ibyo twifuza kugeraho imbere, byaba kwiteza imbere cyangwa duteza imbere igihugu tuvukamo, yemwe twereke n’abaducumbikiye ko dufite aho tuva n’aho tujya.”

Iki gitaramo cyatumiwemo Ambasaderi w’u Rwanda mu Bubiligi, Olivier Nduhungirehe, kizasusurutswa n’abahanzi barimo Nyiratunga Alphonsine (Fofo), Flora Nyirimbabazi [Dj Princess Flor], ndetse n’Itsinda Ingangare, riririmba mu njyana gakondo.

Liège niwo murwa mukuru w’ubukungu mu gace ka Wallonie mu Bubiligi, ahatuwe n’abanyarwanda batari bake barimo abanyeshuri, abakozi n’abikorera ku giti cyabo bahaje mu bihe bitandukanye.

Umuyobozi wa Diaspora Nyarwanda mu Mujyi wa Liège, Christine Mujawamariya asanga ubu busabane ari umwanya wo kongera kuganira ku byubaka igihugu
Itsinda Ingangare rizasusurutsa abazitabira igitaramo
Umugoroba w'ubusabane uzabera i Liège, mu kwezi gutaha

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved