Gen. Kabarebe azaganiriza ihuriro ry’urubyiruko nyarwanda rigiye kubera muri Canada

Yanditswe na Cyprien Niyomwungeri
Kuya 17 Ugushyingo 2017 saa 05:19
Yasuwe :
0 0

Minisitiri w’Ingabo, Gen James Kabarebe, ategerejwe i Edmonton muri Canada ahateganyijwe kubera ihuriro ry’urubyiruko rigamije kuganira no kungurana ibitekerezo ku buryo rwabyaza umusaruro amahirwe rwashyiriweho n’ubuyobozi bwiza.

Iri huriro ryiswe ‘Rwanda Youth Convention’, ryateguwe n’Umuryango w’abanyarwanda baba muri Canada, ku bufatanye na Ambasade y’u Rwanda muri Canada, Ishyirahamwe ry’urubyiruko rw’abanyarwanda riba muri iki gihugu n’abandi, rizaba kuri uyu wa Gatandatu tariki 18 Ugushyingo 2017. Rizitabirwa n’abagera ku 1000 biganjemo abazaturuka mu Burengerazuba bwa Canada.

Minisitiri w’Ingabo, Gen Kabarebe azaganiriza abazitabira iri huriro rifite insanganyamatsiko igira iti “Ahazaza hafite amahirwe adashira”, rizasusurutswa n’abahanzi nka The Ben, Ezra Kwizera n’abandi.

Ushinzwe ibikorwa by’Ambasade y’u Rwanda muri Canada, Shakilla Umutoni, yatangaza ko iri huriro ari umwanya wo gushishikariza urubyiruko kubyaza umusaruro amahirwe u Rwanda rwaruhaye kandi rukagira uruhare mu kwikemurira ibibazo byarwo bwite n’iby’igihugu muri rusange.

Ygzie ati “U Rwanda rwahisemo gushora imari mu rubyiruko rwarwo nk’inzira nyayo yo gusigasira ibyo rwagezeho. Nk’uko Perezida Kagame yabivuze, kuba urubyiruko ntabwo bihagije, ni ngombwa ko rwigiramo imbaraga n’ubushobozi byo guhangana n’ibibazo byarwo n’iby’igihugu muri rusange.”

Muri iki cyumweru, Minisitiri w’Ingabo, Gen James Kabarebe, yari mu butumwa bw’akazi mu mujyi wa Vancouver muri Canada, aho yitabiriye inama y’Umuryango w’Abibumbye, Ishami rishinzwe kubungabunga amahoro ku isi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza