Kwamamaza

Abanyarwandakazi bo muri Canada bagiye kwigira hamwe uko bateza imbere umugore

Yanditswe kuya 4-09-2016 saa 11:18' na Karirima A.Ngarambe


Umuryango w’abanyarwanda baba muri Canada (Rwandan Community Abroad-Canada,RCA-Canada) ufatanyije na Ambasade y’u Rwanda muri Canada, barategura inama idasanzwe y’abagore baba muri iki gihugu.

Iyi nama (Rwandan Women Convention) igiye kuba ku nshuro ya mbere, izabera mu mujyi wa Montréal, guhera tariki 16 kugeza 17 Nzeri 2016.

Minisitiri w’Ububanyi n’Amahanga w’u Rwanda Louise Mushikiwabo,ni we uzaba ari umushyitsi mukuru, abaziyitabira bazigira hamwe byinshi byiza birebana n’uburinganire mu rwego rwisumbuye.

Muri iyi nama kandi hazarebwa ibijyanye n’imbaraga zahabwa abari n’abategarugori kugira ngo bagire ubushobozi mu mibereho yabo ya buri munsi.

Abazayitabira kandi bazagira umwanya wo kurebera hamwe no kwishimira intambwe abanyarwandakazi bamaze gutera bakora ibidasanzwe.

Bazafata kandi umwanya wo kwigira ku bategarugori bagenzi babo b’indashyikirwa batoranyijwe n’umuryango w’abanyarwanda wo muri Canada, bitewe n’imyifatire yabo cyangwa n’ibikorwa bakomeza kugaragaza, bikabera urumuri abatarabigeraho, bigatuma bumva ko na bo babishobora.

Iyi nama ifite insanganyamatsiko igira iti “Inzira zitandukanye mu cyerekezo kimwe.” (Different paths, one direction)

Umujyi wa Montréal, aho iyi nama izabera
Minisitiri w'Ububanyi n'Amahanga, Louise Mushikiwabo ni we uzaba ari umushyitsi mukuru muri iyi nama

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved