Abanyamuryango ba FPR Inkotanyi mu Bubiligi bahawe umukoro, basabwa kutirara (Amafoto)

Yanditswe na Karirima A. Ngarambe
Kuya 24 Ukwakira 2017 saa 08:49
Yasuwe :
0 0

Abanyamuryango ba FPR Inkotanyi barimo abatuye, abiga n’abakorera mu Bubiligi, bahuriye i Bruxelles mu Murwa mukuru w’icyo gihugu bishimira ibyagezweho by’umwihariko imigendekere y’amatora y’Umukuru w’Igihugu.

Muri ibi biganiro byabaye tariki ya 21 Ukwakira 2017, ababyitabiriye bagera ku 100 bashimiwe uruhare bagize mu gutanga inkunga mu bikorwa no mu bitekerezo mu matora yo ku 3 Kanama 2017.

Muri aya matora Perezida Kagame watanzwe n’Umuryango FPR Inkotanyi babarizwamo, ni we waje ku isonga n’amajwi 98,79 %, umukandida wigenga Mpayimana Philippe agira 0.73% mu gihe Dr Frank Habineza watanzwe na Green Party yagize 0.48%.

Musare Faustin wigeze gukora muri Biro Nkuru ya FPR Inkotanyi, yasabye abanyamuryango bayo gukomeza gukorera hamwe bimakaza ibyagezweho.

Yagize ati “Iyo umuntu asimbutse urukiramende ni byiza ko akagozi katamanuka ubukurikiyeho ahubwo ashaka uko yasimbuka aharenzeho. Ibi rero bimusaba imbaraga zindi n’imyitozo; bivuze ko natwe aho tugeze dukwiye kongera imbaraga ntitwirare ngo twageze iyo tujya.”

Musare Faustin yasabye abanyamuryango ba FPR kongera imbaraga mu mikorere yabo

Yakomeje agira ati “Umuryango uratera imbere kandi umaze gukura mu minsi itari mike bazatugezaho gahunda yo kwizihiza isabukuru y’imyaka 30 y’Umuryango FPR Inkotanyi. Bizabe rero ubukwe bukomeye mubizirikane.”

Muri ibi biganiro kandi urubyiruko rwasabwe gukomeza umurongo wa Politiki y’Umuryango wa FPR Inkotanyi kugira ngo ikomeze kwimakazwa.

Musare Faustin aganira n'abanyamuryango ba FPR Inkotanyi baba mu Bubiligi
Yabasabye kongera imbaraga mu gushyigikira iterambere ry'igihugu
Umunyamuryango wa FPR Inkotanyi, Uwizeye Cécile
Abanyamuryango basabwe gukomeza gukorera hamwe bimakaza ibyagezweho
Bashimiwe uruhare bagize mu matora y'Umukuru w'Igihugu yo ku wa 3 Kanama 2017
Uturutse ibumoso: Bizimana Alphonse; Claude Ruzigandekwe; Nadia Kabalira; Perezida w'abanyamuryango ba FPR Inkotanyi batuye mu Bubiligi, Jean Marie Kananura wari uyoboye inama na Mabenga Jean Pierre baganira n'abanyamuryango baturutse mu bice bitandukanye
Abanyamuryango bitabiriye uyu muhuro bari bafite akanyamuneza ku maso
Albert Rukerantare atanga ibitekerezo
André Ngabonziza mu bitabiriye iyi nama
Bwitale Eulade
Kabale Clothilde
Mabenga Jean Pierre na we yatanze ibitekerezo biganisha ku kubaka igihugu
Muhigana Bonaventure atanga igitekerezo
Abanyamuryango ba FPR Inkotanyi mu Bubiligi bahawe umukoro wo gusigasira ibyo igihugu cyagezeho, basabwa kutirara

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza