00:00:00 IGIHE NETWORK KN KINYARWANDA EN ENGLISH FR FRANCAIS

Nta wishwe na COVID-19 mu Rwanda, 10 ni bo bayanduye

Yanditswe na IGIHE
Kuya 21 Ugushyingo 2021 saa 10:37
Yasuwe :
0 0

Imibare yatangajwe na Minisiteri y’Ubuzima igaragaza ko kuri iki Cyumweru tariki 21 Ugushyingo 2021 nta muntu n’umwe wishwe na COVID-19 mu gihe 10 bayanduye.

Ibipimo byafashwe ni 14 839 byavuyemo abantu 10 banduye iyi ndwara. Ni mu gihe ibimaze gufatwa byose mu gihugu ari 3 367 452.

Kuri iki Cyumweru kandi habonetse umurwayi mushya wa COVID-19 washyizwe mu bitaro usanga undi umwe wari ubirimo.

Uretse abanduye n’abashyizwe mu bitaro, kuri uyu wa 21 Ugushyingo 2021 n’ibikorwa byo gukingira byakomeje. Abahawe doze ya mbere kuri uyu munsi ni 53 320, mu gihe abahawe doze ya kabiri ari 36 143.

Nubwo u Rwanda rugenda rutera intambwe mu guhashya COVID-19, inzego z’ubuzima zirakangurira abantu gukomeza kwirinda, bambara neza agapfukamunwa, bibuka gukaraba intoki kenshi gashoboka no guhana intera aho biri ngombwa.

Ibimenyetso bya COVID-19 birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .