Young Grace arasaba abafana be kudaha agaciro Facebook imwiyitirira

Yanditswe na Dean Irak
Kuya 25 Kamena 2012 saa 10:56
Yasuwe :
0 0

Umuraperikazi Young Grace aratangaza ko hari umuntu usigaye utuka abafana be mu izina rye akoresheje Konti ya Facebook yitwa “Young Grace Abayizeye”. Young Grace asaba abafana be kudaha agaciro iyi konti ya facebook yamwiyitiriye akavuga ko atari we uyikoresha ahubwo ko ari undi muntu ushaka gusebya izina rye.
Ubusanzwe Young Grace akoresha konti ya facebook yitwa Young Grace Abayizera-Kicukiro-Kigali-Rwanda. Mu gihe uyu muntu nawe yahisemo gukoresha amazina amwe nk’ayari kuri Konti ya Young (...)

Umuraperikazi Young Grace aratangaza ko hari umuntu usigaye utuka abafana be mu izina rye akoresheje Konti ya Facebook yitwa “Young Grace Abayizeye”. Young Grace asaba abafana be kudaha agaciro iyi konti ya facebook yamwiyitiriye akavuga ko atari we uyikoresha ahubwo ko ari undi muntu ushaka gusebya izina rye.

Ubusanzwe Young Grace akoresha konti ya facebook yitwa Young Grace Abayizera-Kicukiro-Kigali-Rwanda. Mu gihe uyu muntu nawe yahisemo gukoresha amazina amwe nk’ayari kuri Konti ya Young Grace ari yo Young Grace Abayizera-Rubavu-Gisenyi-Rwanda. Batandukaniye gusa ku hantu baherereye.

Young Grace ashimangira ko uyu muntu yashatse kujya amuharabika kuko akoresha amwe mu mafoto ye kandi agakurikiranira hafi ibikorwa bye, ari nako yivanga muri gahunda ze amusebya akurikije ibikorwa biri kuba, akanatuka abafana be.

Hari facebook ebyiri zisa amazina, dore iya nyayo n'itari iya nyayo

Aganira na IGIHE, Young Grace yatanze rumwe mu ngero z’uko uyu muntu ajya amutukira abafana banditse bamubwira ko bamukunda nyamara we akabasubiza mu izina rya Young Grace agira ati:”Mwamaze niba munkunda muzatore undi muhanzi.”

Young Grace akavuga ko adashobora kubwira abafana be nabi atyo kuko azi aho bamuvanye n’aho bamugejeje. Young Grace avuga ariko ko ntacyo yabashije gukora kuby’iyo konti ya facebook imwiyitirira. Gusa akavuga ko ari kureba inzira zose yamenyeshamo abafana be ko iyo atariyo konti akoresha kuri facebook.

Young Grace aheruka kugaragarizwa n’abafana benshi ko akunzwe mu Karere ka Musanze na Rubavu, aho Fan Club yamwiyitiriye yaje kumushyigikira yambaye imyenda imwanditseho inariho amafoto ye.

Ubusanzwe facebook ya Young Grace nyakuri yitwa Young Grace Abayizera naho iyo imwiyitirira yitwa Young Grace Abayizera

Amafoto ya nyuma ya Young Grace mu gitaramo cya live giheruka kuba:

Young Grace aririmba mu gitaramo cya Live i Gikondo
Young Grace asaba abantu kumutora ngo bateze imbere Hip-Hop by'umwihariko ku bakobwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza