PGGSS II: Gutora umuhanzi ukoresheje SMS bimuhesha amahirwe 80% yo gukomeza

Yanditswe na Dean Irak
Kuya 28 Kamena 2012 saa 12:07
Yasuwe :
0 0

Abahanzi bari mu irushanwa rya Primus Guma Guma Super Star II bari mu gihe bakeneye ko abababwira ko babakunda babibagaragariza mu kubatora bakabasha gukomeza.
Gukoresha telephone ukohereza ubutumwa bugufi bihesha umuhanzi amahirwe agera kuri 80 ku ijana mu gihe kuri internet bimuhesha amahirwe 20 ku ijana yo gukomeza.
Aya matora yatangiye kuya 23 Kamena 2012 akazageza tariki ya 29 Kamena 2012 (saa sita z’ijoro). Gutora umuhanzi bisaba ko umufana we ajya ahandikirwa ubutumwa bugufi (...)

Abahanzi bari mu irushanwa rya Primus Guma Guma Super Star II bari mu gihe bakeneye ko abababwira ko babakunda babibagaragariza mu kubatora bakabasha gukomeza.

Gukoresha telephone ukohereza ubutumwa bugufi bihesha umuhanzi amahirwe agera kuri 80 ku ijana mu gihe kuri internet bimuhesha amahirwe 20 ku ijana yo gukomeza.

Aya matora yatangiye kuya 23 Kamena 2012 akazageza tariki ya 29 Kamena 2012 (saa sita z’ijoro). Gutora umuhanzi bisaba ko umufana we ajya ahandikirwa ubutumwa bugufi akandika umubare w’umuhanzi ashaka gutora akohereza kuri 43 43.

Umuhanzi uzaba utaratowe n’abafana benshi azavanwa muri iri rushanwa mu gitaramo giteganijwe kuba kuwa 30 Kamena 2012, mu gitaramo kizabera i Gikondo ahasanzwe habera imurikagurisha.

Kanda kuri iyi foto ujye aho utorera

Abandi bahanzi bazasezererwa kuwa 7 Nyakanga 2012 ubwo hazaba ikindi gitaramo. Icyo gihe hazaba hasigayemo abahanzi 4 bazakurwamo abahanzi babiri kuwa 14 Nyakanga 2012. Aba bahanzi 2 nibo bazakurwamo umuhanzi umwe uzaba watowe kurusha abandi uzaririmbana n’Umunyamerika Jason Derulo kuwa 28 Nyakanga 2012.

Uyu muhanzi niwe uzitwa icyamamare mu Rwanda, akazahabwa akayabo ka miliyoni 24 mu byiciro bitandukanye. Gusa uyu muhanzi ntazakorana indirimbo na Jason Derulo nk’uko byagenze mu irushanwa rya mbere, ahubwo azafashwa gukora ibihangano bye muri izo miliyoni 24.

Tora umuhanzi ukunda kuri telephone, ndetse no kuri internet ku rubuga rwa PRIMUSGUMAGUMASUPERSTAR.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza