Nyuma yo kuganira na Young Grace n’abategura PGGSS, Lion Imanzi agiye gukomeza kuba MC

Yanditswe na Dean Irak
Kuya 12 Nyakanga 2012 saa 12:48
Yasuwe :
0 0

Umushyushabirori (MC) akaba umunyamakuru n’umuhanzi Lion Imanzi aratangaza ko atagisezeye ku kuba MC muri Primus Guma Guma Super Star Season II, nyuma y’iminsi micye yari ishize abitangaje.
Imanzi avuga ko azakomeza kuba umushyushyabirori w’iri rushanwa nyuma y’aho agiranye ibiganiro n’umujyanama wa Young Grace ndetse na Young Grace ubwe, hamwe n’abategura iri rushanwa, aho ngo bamusobanuriye ko nta jambo ribi yabwiye uyu muhanzikazi w’imyaka 18 mu gitaramo giheruka kuba.
Nk’uko Lion Imanzi (...)

Umushyushabirori (MC) akaba umunyamakuru n’umuhanzi Lion Imanzi aratangaza ko atagisezeye ku kuba MC muri Primus Guma Guma Super Star Season II, nyuma y’iminsi micye yari ishize abitangaje.

Imanzi avuga ko azakomeza kuba umushyushyabirori w’iri rushanwa nyuma y’aho agiranye ibiganiro n’umujyanama wa Young Grace ndetse na Young Grace ubwe, hamwe n’abategura iri rushanwa, aho ngo bamusobanuriye ko nta jambo ribi yabwiye uyu muhanzikazi w’imyaka 18 mu gitaramo giheruka kuba.

Nk’uko Lion Imanzi yabitangarije IGIHE, nyuma y’ibiganiro yagiranye n’abo twavuze hariguru, bose ngo bamubwiye ko kuba ibyavuzwe byarafashwe nabi ari amagambo y’abantu baba bashaka gushyushya ibintu gusa wenda banifuza ko irushanwa ryabiha.

Yagize ati: ”Ndacyari mu kazi na cyane ko nta wari wakankuyemo, nari nagize igitekerezo cy’uko nasezera kugira ngo ibintu by’amatiku n’amagambo atari ngombwa bihagarare, ariko maze kuvugana na Manager wa Young Grace, mvugana na Young Grace we bwite, mvugana na ba nyir’igikorwa bambwira ko bo nta jambo ribi navuze, ahubwo ikibazo kiri hanze aha mu bantu bashaka kugikururiza mu mpamvu zitazwi.”

Yongeraho ko ba nyir’ugutegura amarushanwa ya PGGSS II bamusabye ko yareka kumva amagambo y’abantu bashaka kwica igikorwa bityo we agakomeza akazi ke kugeza ku musozo.

Lion Imanzi avuga ko atasobanukiwe uburyo Young Grace yavuze ko yamuvuzeho nabi mu gitaramo ngo kuko na nyuma yacyo bahuye bakaganira batera urwenya (batera blagues) hagati yabo nta kibazo kivutse. Avuga ko baje gutandukana nyuma y’igitaramo baganira neza, ariko nyuma aza gutungurwa n’uko yaje kumva amagambo avuga ko ngo Young Grace yababajwe n’ibibazo yabajijwe mu gitaramo.

Lion Imanzi avuga ko mu kwitoza kwabo (repetition z’abahanzi na ba MC), bavuganye na Young Grace nuko ngo yabaza Young Grace impamvu y’ibyo yatangaje, amusubiza amubwira ko nawe ngo ari abantu bamushyushya umutwe ngo atangaze ko yamubwiye nabi.

Ayo magambo yakomeje kuvugwaho na benshi akaba ari nayo yari yatumye Lion Imanzi afata icyemezo cyo gusezera ku bushyushyarugamba muri PGGSS II ni uko Lion Imanzi yabajije Young Grace ku bihuha bivuga ko uyu muhanzi yaba akuze ariko akaba yigaragaza ko ari nk’umwana aho yamubajije niba ari "Agakecurini".

Uretse aya magambo Young Grace yaje kuvuga ko yari ayo kumusebya, Lion Imanzi yanamubajije niba atorwa n’umuryango we gusa, cyangwa se niba atorwa n’abantu b’aho akomoka mu Majyaruguru gusa (Rubavu, Musanze).

Lion Imanzi avuga ko yari yafashe icyemezo cyo gusezera kuko avuga ko ubusanzwe ari inyangamugayo akanga amatiku, amagambo mabi, guseba n’ikibi cyose (negativite) mu buzima bwe. Lion Imanzi avuga ko ubu akiri umushyushyabirori wa PGGSS II kugeza ku ndunduro y’irushanwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza