Nyuma y’ibyavuzwe, igitaramo gishya Lion Imanzi yakoze yaranzwe no kwitwararika cyane

Yanditswe na

Richard IRAKOZE

Kuya 19 Nyakanga 2012 saa 10:56
Yasuwe :
0 0

Umususurutsabirori Lion Imanzi aheruka gutangaza ko yasezeye ku mirimo ye yo kuba Mc muri PGGSS II. Nyuma y’igihe gito yahise yongera gutangaza ko atagisezeye ahubwo azakomeza akazi ke nk’uko bisanzwe. Mu gitaramo aheruka gukora nyuma y’ayo magambo yagarutsweho na benshi, Lion Imanzi yaranzwe no gukoresha amagambo yumvikanisha kwigengesera cyane.
Ubwo yongeraga guhurira mu ruhame n’umuraperikazi Young Grace, (ari nawe wari wabaye imbarutso yo gushaka gusezera kwe biturutse ku magambo Young (...)

Umususurutsabirori Lion Imanzi aheruka gutangaza ko yasezeye ku mirimo ye yo kuba Mc muri PGGSS II. Nyuma y’igihe gito yahise yongera gutangaza ko atagisezeye ahubwo azakomeza akazi ke nk’uko bisanzwe. Mu gitaramo aheruka gukora nyuma y’ayo magambo yagarutsweho na benshi, Lion Imanzi yaranzwe no gukoresha amagambo yumvikanisha kwigengesera cyane.

Ubwo yongeraga guhurira mu ruhame n’umuraperikazi Young Grace, (ari nawe wari wabaye imbarutso yo gushaka gusezera kwe biturutse ku magambo Young Grace yari yatangaje ko ngo yaba yari yarakomerekejwe n’uko Lion Imanzi ngo yamusebeje mu ruhame avuga ko akecuye kandi ko ngo atorwa n’abo mu muryango we gusa), Lion Imanzi yamubajije uko yiteguye gukomeza cyangwa gusezererwa iryo joro atangiza aya mamgambo agira ati:”Nk’uko nabajije abandi, Young Grace….”

Lion Imanzi ubusanzwe ukunda kuyobora ibiganiro yongeramo amagambo asetsa, kuri uyu mugoroba wo kuwa 14 Nyakanga 2012 hatangazwaga abahanzi 2 bagomba gukomeza, nta magambo nk’ayo yigeze akoresha.

Lion Imanzi kandi nta yandi magambo yo kubaza abahanzi no kubaganiriza ku bijyanye n’amakuru atandukanye aba abavugwaho cyangwa se n’andi magambo yakundaga gukoresha y’ubuzima bwa gihanzi yigeze akoresha.

Ubwo twahamagaraga Lion Imanzi ngo tumubaze impamvu nta jambo na rimwe rivuga ku magambo y’ukwegura n’ugusubira muri Guma Guma yavuzeho muri iki gitaramo, yatubwiye ko ntacyo yifuza kubivugaho.

Yatubwiye kandi ko atifuza no kubigarukaho avuga ko adakunda kuvuga ku byashize, kuri we.

Lion Imanzi yagize ati:”Ntabwo nkunda ibintu byo gusubira inyuma”.

Young Grace aganira na IGIHE, we yavuze ko nta bibazo agifitanye na Lion Imanzi. Young Grace avuga kandi ko iby’ukwegura kwa Lion Imanzi atigeze abyitaho cyane avuga ko adakunda kumenya gahunda z’abandi bantu.

N'ubwo yari afite morale Lion Imanzi yavugaga yitondeye buri jambo
Lion Imanzi afungura impapuro zanditseho amazina y'abahanzi batowe kurusha abandi
Lion areba uko Young Grace asezera ku bafana be-Byose yabikoranaga ukwigengesera kwinshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza