Dream Boyz, Riderman na Urban Boyz basezerewe muri PGGSS II

Yanditswe na Dean Irak
Kuya 7 Nyakanga 2012 saa 07:55
Yasuwe :
0 0

Abahanzi Dream Boyz, Riderman na Urban Boyz basezerewe mu irushanwa rya PGGSS II. Hakomeje abahanzi King James, Jay Polly, Knowless na Young Grace, bagiye mu cyiciro cya gatatu kibanziriza icya nyuma.
Aba bahanzi basezerewe bagenewe amashimwe yo kuba baritabiriye irushanwa rya PGGSS II, bahabwa ijambo ryo kugira icyo babwira abafana babo.
Mu kuvuga n’akababaro uko bakiriye kuvamo kwabo, Platini wo muri Dream Boyz we yibanze ku kuvuga ko bateganya kurushaho gukora aho bavuze ko muri Nzeri (...)

Abahanzi Dream Boyz, Riderman na Urban Boyz basezerewe mu irushanwa rya PGGSS II. Hakomeje abahanzi King James, Jay Polly, Knowless na Young Grace, bagiye mu cyiciro cya gatatu kibanziriza icya nyuma.

Aba bahanzi basezerewe bagenewe amashimwe yo kuba baritabiriye irushanwa rya PGGSS II, bahabwa ijambo ryo kugira icyo babwira abafana babo.

Mu kuvuga n’akababaro uko bakiriye kuvamo kwabo, Platini wo muri Dream Boyz we yibanze ku kuvuga ko bateganya kurushaho gukora aho bavuze ko muri Nzeri bateganya gushyira hanze Album yabo ya Gatatu.

TMC we, yunganira mugenzi we Platini baririmbana muri Dream Boyz yavuze ko bateganya gushyira hanze indirimbo nshya muri iyi weekend bise "Jugu Jugu".

Riderman ariko we yagaragaje ko atishimiye kuba avuye mu irushanwa aho yavuze ko ukuri kw’umuhanzi ukunzwe kurusha abandi mu Rwanda kuri mu bafana. Yagize ati:”Ukuri mwarakubonye”.

Abahanzi 4 bakomeje mu irushanwa rya PGGSS II, bahawe umwanya bararirimba. Umuhanzi King James niwe wabanje aririmba zimwe mu ndirimbo ze za kera ariko kandi anaririmba indirimbo ye yakunzwe cyane.

Umuhanzi Jay Polly wagaragarijwe ko yishimiwe cyane ubwo yaririmbaga indirimbo ye nshyashya yise “You and I” (yaririmbanye na Princesse Priscilla), yavuze ko intego agifite ari ukwegukana igikombe.

Jay Polly mu mvugo nyinshi za gisore, yavuganye icyizere cyinshi ko abanzi batazamuca integer ahubwo batuma arushaho gukora.

Mu gusaba abafana kurushaho kumutora bashyigikira Hip-Hop Jay Polly yagize ati:”Kera twatangiye abantu bavuga ko turi abantu badasobanutse ariko ubu turasobanutse, tuba turi kuri swagga za hatari kandi n’abanzi bacu nabo turabashimira”.

Muri iki gitaramo, umushyushyabirori Lion Imanzi yagiye acokoza abahanzi ababaza byinshi ku byagiye bibavugwaho. Urugero yabajije Young Grace niba koko yaratowe n’abo mu muryango we gusa.

yamubajije kandi imyaka ye ngo yumve niba atari mukuru wigira umwana. Young Grace yamusubije ko afite imyaka 18 gusa, amubwira kandi ko atorwa n’abakunzi be atari umuryango we gusa.

Lion Imanzi kandi yacokoje Knowless avuga ko yumvise ko ngo yaba afite amaguru adakomeye bituma atabasha kubyina neza, ariko avuga ko yabonye atari byo kuko yamubonanye imbaraga mu kubyina.

Ubwo hatangazwaga abahanzi batatu basezerewe muri PGGSS II

Uko byagendaga LIVE

8 : 51 PM : Umuhanzi wa gatatu ukomeje muri PGGSS II ni Knowless

8 : 50 PM : Umuhanzi wa kabiri ukomeje muri PGGSS II ni Jay Polly

8 : 49 PM : Umuhanzi wa mbPGGSS II ere ukomeje muri PGGSS II ni King James

8 : 48 PM Steve Gasana asabwe kujya imbere akerekana amabahasha y’abahanzi bane bakomeza
Ayo mabahasha ahawe Lion Imanzi

8 : 47 PM Abahanzi bose basabwe kujya imbere

8 : 44 PM : Igitaramo cya Live hano i Gikondo kiratangiye, Lion Imanzi agitangije nawe akora mu muhogo aririmba hamwe na Band yavu Iwacu

8: 29 PM : Abantu bose binjiye mu ihema ahari bubere igitaramo....

Kuri uyu wa Gatandatu tariki ya 7 Nyakanga 2012 mu irushanwa rya PGGSS II haratangazwa abahanzi 3 bagomba gusezererwa.

Haratangazwa abahanzi 4 bari bukomeze muri iri rushanwa. Abahanzi bavanwamo ni abahanzi batatowe cyane mu gihe abahanzi bakomeza ari abahanzi batowe kurusha abandi bisobanuye ko ari bo bakunzwe kurusha abandi.

Iki gitaramo kiraca Live kuri RTV no ku rubuga rwa IGIHE

Uko mu cyumba cya EXPO i Gikondo hari bubere igitaramo hameze

GAHUNDA:

Dore uko abahanzi bari bwiyerekane imbere y’abafana kuri Red Carpet

  • 1. King James
  • 2. Jay Polly
  • 3. Dream Boyz
  • 4. Young Grace
  • 5. Riderman
  • 6. Knowless
  • 7. Urban Boyz

Kuri Gahunda yagejejwe ku munyamakuru wa IGIHE, biteganijwe ko abahanzi baza gutangira kuririmba ku isaha ya saa mbiri z’umugoroba ari nabwo igitaramo kiza kuba gica kuri Televiziyo y’u Rwanda.

Haraza guhamagarwa abahanzi bakomeza, guhera kuwa mbere kugeza ku wa kane nuko batatu baza gusezererwa baze guhita bamenyekana gutyo.
Nyuma abahanzi bose bane bakomehe baraza guhabwa umwanya wo kuririmba nuko basabe n’abafana kuzabatora muri iki cyumweru kiri imbere.

Biteganijwe ko iki gitaramo kiri bumare iminota mirongo ine gusa (40min).

Abantu hanze mbere y'igitaramo bari gufata icyo kunywa
Red Carpet abahanzi abahanzi bose na 3 bari busezererwe bari bunyureho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza