Just Family, Danny na Bull Dogg basezerewe mu marushanwa ya Primus Guma Guma

Yanditswe na

Richard IRAKOZE

Kuya 30 Kamena 2012 saa 09:21
Yasuwe :
0 0

Abahanzi Just Family, Danny Nanone na Bull Dogg basezerewe mu marushanwa ya PGGSS II, mu gitaramo cyabereye i Gikondo kuwa Gatandatu tariki ya 30 Gicurasi 2012. Abahanzi Dream Boyz, Jay Polly, Riderman, King James, Knowless, Urban Boyz na Young Grace batangazwaga nk’abahanzi bakomeza mu cyiciro cya gatatu cy’iri rushanwa.
Igitaramo kigitangizwa, abahanzi bose bahamagawe ku rubyiniro aho hatangiye gusomwa amazina arindwi y’abahanzi batowe, ari nabo bagombaga gukomeza. Lion Imanzi wari Mc (...)

Abahanzi Just Family, Danny Nanone na Bull Dogg basezerewe mu marushanwa ya PGGSS II, mu gitaramo cyabereye i Gikondo kuwa Gatandatu tariki ya 30 Gicurasi 2012. Abahanzi Dream Boyz, Jay Polly, Riderman, King James, Knowless, Urban Boyz na Young Grace batangazwaga nk’abahanzi bakomeza mu cyiciro cya gatatu cy’iri rushanwa.

Igitaramo kigitangizwa, abahanzi bose bahamagawe ku rubyiniro aho hatangiye gusomwa amazina arindwi y’abahanzi batowe, ari nabo bagombaga gukomeza. Lion Imanzi wari Mc yasabye umwe mu bakozi bagize komite ya Kampani ishinzwe gukurikirana amatora yitwa Price Water Coopers (PWC) nuko yemeza ko amajwi atanze ari ukuri.

Yahise ashyikiriza Mc amabahasha arimo amazina 7 y’abahanzi bagombaga gukomeza muri iri rushanwa. Imanzi yaje guhita asoma ayo mazina y’abahanzi bakomeje ari bo-dukurikije uko basomwe-Dream Boyz, Jay Polly, Riderman, King James, Knowless, Urban Boyz na Young Grace. Aba bahanzi baje guhita baririmba buri wese aririmba indirimbo imwe imwe.

Mbere y’uko bagenda, abahanzi 3 bari bavuye mu irushanwa rya PGGSS II bashimiye abafana babatoye ndetse banabasezeranya kudacika intege bavuga ko no kuba baraje muri iri rushanwa byabahaye ubundi bumenyi. Uretse Bull Dogg wanenze avuga ko adasobanukiwe neza uburyo bwakoreshejwe ngo avemo, avuga ko akiri mushya ‘umururu’, abandi bahanzi bashimye intambwe bateye kugira ngo bagere aho bageze.

Umwe mu bagize icyo bavuga ku bahanzi bavuyemo ni Jay Polly wavuze kuri Bull Dogg. Jay Polly yavuze ko yababajwe cyane no kuba umuhanzi mugenzi we baririmbana muri Tuff Gangz nk’abaraperi avuyemo. Iraguha, umufana, w’imyaka 24, waganiriye na IGIHE, uvuga ko afana umwe mu bahanzi bavuyemo we yagize ati:”Nkurikije uko Bull Dogg yakoze muri aya mezi abiri ashize ntiyagakwiriye kuvamo.”

Nyuma yo gutangazwa abahanzi bagomba gukomeza, buri muhanzi yaririmbye indirimbo imwe ku buryo bwa live, ari nabyo byabimburiye amatora. Buri muhanzi muri aba barindwi kandi yahawe umwanya wo gusaba abafana be kumutora mu kugira icyo avuga arangije kuririmba.

Riderman na M Izzo-baririmbana-bagaragaye bafite imbunda zisa nk’iy’igikinisho bashaka gusa n’abumvikanisha neza amagambo y’indirimbo yitwa ‘Umurashi’ baririmbye. Urban Boyz nabo baririmbye indirimbo nshya bise “Bibaye”, indirimbo irimo amagambo y’umuhungu uba wifuza ko yakundwa n’umukobwa akunda.

Icyiciro cya kane cy’aya marushanwa kizaba kuwa Gatandatu utaha tariki ya 07 Nyakanga 2012 ubwo hazatorwa abahanzi 4 bagomba gukomeza. Ku itariki ya 14 Nyakanga hazatangazwa abahanzi 2 bazaba bageze ku isonga (Final). Aba bahanzi babiri bazahemberwa kuba bageze mu cyiciro cya gatanu ibihumbi Magana atanu y’u Rwanda (500,000Frw).

Umuhanzi uzegukana irushanwa rya PGGSS II, azatangazwa kuwa 28 Nyakanga 2012 mu gitaramo kizaba kirimo umunyamerika Jason Derulo. Uyu muhanzi uzatwara PGGSS azegukana akayabo ka miliyoni 24 mu byiciro bitatu bitandukanye. Ku ikubitiro azahita ahabwa Cheque ya miliyoni 6 z’amanyarwanda.

Gusa uyu muhanzi uzegukana iri rushanwa ntazakorana indirimbo na Jason Derulo nk’uko byagenze mu ya mbere, ahubwo azashyigikirwa mu bikorwa bye byose by’ubuhanzi.

Dore amwe mu mafoto:

Bamwe mu bafana
Abafana; bamwe bagaragaza ko bishimye abandi bagaragaza ko basa nk'abatunguwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza