Jay Polly yashyize hanze ibyo yise amakosa y’irushanwa rya PGGSS II

Yanditswe na

Richard IRAKOZE

Kuya 9 Nyakanga 2012 saa 11:32
Yasuwe :
0 0

Umuhanzi Jay Polly yatangaje ko atishimiye na gato kuba abategura amarushanwa ya Primus Guma Guma Super Star II batarahaye agaciro amagambo agenda avugwa ko muri aya marushanwa hari abantu bitoresha. Ibi Jay Polly abyita amakosa akomeye cyane ashinja abategura aya marushanwa.
Ubwo yari mu kiganiro n’abanyamakuru hamwe n’ubuyobozi butegura aya marushanwa kuri uyu wa Mbere Tariki ya 9 Nyakanga 2012, Jay Polly yavuganye uburakari bwinshi ko atishimiye na gato kuba hari abahanzi bivugwa ko (...)

Umuhanzi Jay Polly yatangaje ko atishimiye na gato kuba abategura amarushanwa ya Primus Guma Guma Super Star II batarahaye agaciro amagambo agenda avugwa ko muri aya marushanwa hari abantu bitoresha. Ibi Jay Polly abyita amakosa akomeye cyane ashinja abategura aya marushanwa.

Ubwo yari mu kiganiro n’abanyamakuru hamwe n’ubuyobozi butegura aya marushanwa kuri uyu wa Mbere Tariki ya 9 Nyakanga 2012, Jay Polly yavuganye uburakari bwinshi ko atishimiye na gato kuba hari abahanzi bivugwa ko bitoresha nyamara East African Promoters (EAP) na BRALIRWA bo bakaba barakomeje kurebera ntibagire icyo bavuga.

Jay Polly avuga ko uko abahanzi bavuzwe cyane ko batanga M2U ari nako bagiye bagira amanota menshi, ibyo avuga ko bishobora kuba ari ukuri bikaba byatuma ava mu irushanwa arengana. Yagize ati:"Niba koko mwaradushyiriyeho amabwiriza yo kugenderaho bikaba bivugwa ko abantu babirenzeho hakaba nta gikorwa niyo mpamvu amanota angana gutya. Nkaba mbona ko hashyizwemo imbaraga nkeya ari n’ikosa rikomeye rizanagira ingaruka zikomeye ku iherezo."

Mu gushimangira ko ibi bihuha bishobora kuba ari ukuri urebye uko amajwi abahanzi bagiye bavugwa ko bitoresha bafite amanota menshi, Jay Polly yagize ati:"Uko amanota agenda arushanwa wa mugani ni nako abantu bagenda bavugwa gutanga ama M2U."

Jay Polly yagaragaje ko amakosa nk’aya ari yo yatumye umwaka ushize abafana batera amabuye ndetse anasobanura ko mu gihe haba nta gikozwe byazateza ingaruka avuga ko zikomeye.

Jay Polly yasabye ko basubira inyuma hakigwa icyakorwa mu maguru mashya, yewe no ku bahanzi bavuye muri PGGSS II hagashyirwaho akanama ko gukurikirana niba koko nta bahanzi bitoresheje bityo abandi bakavamo ku maherere.

Jay Polly avuga ko aya makosa asanga ashobora kuzatuma hatsinda abatakagombye kuba ari bo batsinze kandi ko nawe byamugiraho ingaruka. Avuga kandi ko umwaka utaha byazatuma nta bantu bitabira aya marushanwa.

Joseph Mushyoma umuyobozi wa EAP yijeje Jay Polly ko hagiye kurebwa igikorwa kuri izi mpungenge ze. Yavuze ko iri atari ikosa kuri bo ko ahubwo hari ibibazo runaka bagenda bahura nabyo baba batarateganije ariko amwizeza ko bigenda bishakishirizwa ibisubizo.

Jay Polly yagaragaje impungenge ko ashobora kuzasanga yakubiswe inshuro atabizi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza