Jason Derulo arasaba Abanyarwanda kuzitabira igitaramo azakorera mu Rwanda

Yanditswe na Dean Irak
Kuya 18 Nyakanga 2012 saa 10:21
Yasuwe :
0 0

Umuhanzi, umubyinnyi, n’umwanditsi w’indirimbo w’Umunyamerika Jason Derulo arasaba abafana kuzitabira igitaramo azakorera mu Rwanda kuwa 28 uku kwezi kwa Nyakanga 2012 avuga ko abahishiye byinshi byiza.
Mu magambo ye, avuga agaragara mu mashusho yagejejwe ku rubuga rwa EAPMUSIC.com, urubuga rukurikiranira hafi iby’irushanwa rya Primus Guma Guma Super Star II, Jason Derulo avuga ko iki gitaramo kizaba kiryoshye, agasaba Abanyarwanda n’abakunzi b’umuziki kuzacyitabira.
Mu gapira gato kamufashe (...)

Umuhanzi, umubyinnyi, n’umwanditsi w’indirimbo w’Umunyamerika Jason Derulo arasaba abafana kuzitabira igitaramo azakorera mu Rwanda kuwa 28 uku kwezi kwa Nyakanga 2012 avuga ko abahishiye byinshi byiza.

Mu magambo ye, avuga agaragara mu mashusho yagejejwe ku rubuga rwa EAPMUSIC.com, urubuga rukurikiranira hafi iby’irushanwa rya Primus Guma Guma Super Star II, Jason Derulo avuga ko iki gitaramo kizaba kiryoshye, agasaba Abanyarwanda n’abakunzi b’umuziki kuzacyitabira.

Mu gapira gato kamufashe k’icyatsi gafiteho ishusho ya mpande-enye y’ibara ry’umukara mu gatuza handitsemo amagambo “High Quality”, yambaye amaherena ku matwi yombi, ubwanwa bwinshi ku munwa, agaragaza na Tattoo ku kuboko kw’ibumoso, Jason Derulo agira ati:”Everybody What’s Up! It’s your truly Jason Derulo. Rwanda I Am coming to see you July 28, so get prepared it gonna be a crazy show.”

Aya magambo ya Jason Derulo mu Kinyarwanda agira ati:”Muraho, Ni Jason Derulo. Rwanda nzaza kubareba kuwa 28 Nyakanga mwitegure bizaba ari ibicika!”

Mu yandi mashusho nk’aya, nayo ari kuri Internet Jason Derulo avuga ko azaba aje mu gitaramo cyo gusoza amarushanwa ya Primus Guma Guma Super Star Season II. Agira ati:”Muzaze kwifatanya nanjye muri Primus Guma Guma Season II Final.”

Uyu muhanzi uzazanana na Live Band ye yose, biteganijwe ko azataramira Abanyarwanda mu gitaramo cya Full LIVE. Iki gitaramo kizabera kuri Stade Nini i Remera-Stade Amahoro. Muri iki gitaramo hazagaragaramo abahanzi King James na Jay Polly bageze ku musozo w’iri rushanwa.

Kizatangira ahagana mu ma saa kumi n’ebyiri z’umugoroba kugeza mu ma saa tau z’ijoro. Iki gitaramo kizaba gica Live kuri RTV no ku rubuga rwa EAPMUSIC.com.

Reba amashusho ya Jason Derulo avuga nko azaza mu Rwanda


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza