Dore amajwi abahanzi ba PGGSS II bagiye bagira

Yanditswe na Dean Irak
Kuya 9 Nyakanga 2012 saa 10:39
Yasuwe :
0 0

Mu nama yahuje abanyamakuru, abahanzi 4 basigaye muri PGGSS II wongeyeho Danny Nanone uherutse kuvamo n’abayobozi ba East African Promoters (EAP) na BRALIRWA hatangajwe amajwi abahanzi bagiye bagira kugira ngo hemezwe abakomeza n’abava mu irushanwa rya PGGSS II.
Iyi nama yabaye ku mugoroba wo kuri uyu wa Mbere tariki ya 9 Nyakanga 2012, kuri Top Tower Hotel.
Aya majwi yatangajwe na PriceWaterCooper (PWC), inzobere zikurikirana uko amajwi atangwa, kugira ngo havanweho urujijo rw’abantu (...)

Mu nama yahuje abanyamakuru, abahanzi 4 basigaye muri PGGSS II wongeyeho Danny Nanone uherutse kuvamo n’abayobozi ba East African Promoters (EAP) na BRALIRWA hatangajwe amajwi abahanzi bagiye bagira kugira ngo hemezwe abakomeza n’abava mu irushanwa rya PGGSS II.

Iyi nama yabaye ku mugoroba wo kuri uyu wa Mbere tariki ya 9 Nyakanga 2012, kuri Top Tower Hotel.

Aya majwi yatangajwe na PriceWaterCooper (PWC), inzobere zikurikirana uko amajwi atangwa, kugira ngo havanweho urujijo rw’abantu bavugaga ko haba hari abahanzi runaka bagiye bavamo ku buryo budasobanutse, bakifuza kubona amajwi.

Yagize ati:”Ni ukugira ngo tumare impungnge abaturage, turebe uko ibintu bimeze tubashe kubasobanurira kugira ngo Abanyarwanda babashe kumenya ukuri.”

Muri iki kiganiro, Joseph Mushyoma, umuyobozi wa EAP yatangaje ko impamvu bari baranze gutangaza aya majwi ari uko abahanzi bari barabyanze. Yongeyeho ko n’ubu mu kuyatangaza babanje kubaza abahanzi bose bari muti Top 10 bakemeza ko bayatangaza. Avuga ko iyo baza kwanga aya majwi Atari gutangazwa.

Mushyoma yasobanuye ko aya majwi atangwa na PWC nta wundi muntu uba uzi uko abahanzi barushanijwe. Yavuze ko aya majwi ari ayo kwizerwa. Mushyoma yagize ati:”Nibo bonyine bakurikirana amajwi nta hantu babogamiye nibo bakurikirana iby’amatora.”

Ibi byashimangiwe na Samuel waje uhagarariye izi nzobere wasabye abanyarwanda kwemera iby’aya majwi. Yagize ati:”BRALIRWA na EAP ntibabasha kugera ku birebana n’amajwi, babimenya gusa iyo hatangajwe amajwi kuwa Gatandatu nk’uko n’abandi babimenya. Ni 100 ku ijana ibyo abaturage baba batoye. Amajwi ararinzwe nta wushobora kuyahindura cyangwa se kuyasiba.”

Mu gukangurira Abanyarwanda kujya bagaragariza umuhanzi ko bamukunda mu kumutora kugira ngo bizagaragazwe n’amajwi, Samuel wa PWC yagize ati:”Irushanwa rijyanye n’uko abaturage baba batoye atari uko baba bavuze uwo bakunda batamutira.”

Urebye aya majwi ubona ko Abanyarwanda badatora ari benshi nk’uko byari byitezwe, biturutse ku nshuro nyinshi bahora ku maradiyo, uko bakoze ibitaramo bitandukanye mu Rwanda hose, uko bakora ibitaramo bya buri wa Gatandatu Live kandi bigacishwa kuri Televiziyo y’u Rwanda n’uko bamamazwa na EAP ku mihanda no ku byapa.

Abahanzi n’abanyamakuru batanze ibitekerezo n’ibibazo mu kiganiro cy’amasaha arenga abiri. Izindi ngingo bagarutseho tuzabibagezaho mu nkuru eshatu zitandukanye zizakurikiraho.

Amwe mu mafoto:

Uko amajwi ya SMS akurikirana
Kugira ngo hamenyekane Top 7, dore uko amajwi yakurikiranye
Bamwe mu Banyamakuru babaza ibibazo
Danny, Knowless, King James, Samuel wa PWC, Mushyoma (EAP), Uwizeye JP (BRALIRWA), Jay Polly, na Young Grace
Samuel wa PWC asobanura ko amajwi ari ayo kwizerwa

Foto: Dave Photographer


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza