Fespad 2013 irafungurwa ku mugaragaro kuri iki Cyumweru

Yanditswe na Dean Irak
Kuya 24 Gashyantare 2013 saa 03:07
Yasuwe :
0 0

Imihango yo gutangiza Iserukiramuco Nyafurika ry’Imbyino-Fespad 2013 yashyizwe kuri iki Cyumweru tariki ya 24 Gashyantare 2013, saa cyenda z’amanywa, muri Stade Ntoya Amahoro y’i Remera.
Kwimurwa kw’iyi mihango byatewe n’uko ku munsi wo gufungura ibi birori, kuwa Gatandatu, haguye imvura nyinshi igahagarika iki gitaramo.
Ubwo yatangazaga ko iyi mihango yimuriwe kuri iki Cyumweru, Lauren Makuza, umuyobozi w’umuco muri Minisiteri ya Siporo n’Umuco yagize ati "Banyarwanda, Banyarwandakazi (...)

Imihango yo gutangiza Iserukiramuco Nyafurika ry’Imbyino-Fespad 2013 yashyizwe kuri iki Cyumweru tariki ya 24 Gashyantare 2013, saa cyenda z’amanywa, muri Stade Ntoya Amahoro y’i Remera.

Kwimurwa kw’iyi mihango byatewe n’uko ku munsi wo gufungura ibi birori, kuwa Gatandatu, haguye imvura nyinshi igahagarika iki gitaramo.

Abahanzi bagize itsinda rya Camp Mulla

Ubwo yatangazaga ko iyi mihango yimuriwe kuri iki Cyumweru, Lauren Makuza, umuyobozi w’umuco muri Minisiteri ya Siporo n’Umuco yagize ati "Banyarwanda, Banyarwandakazi twagirango tubamemnyeshe ko gahunda yari iteganijwe kuri uyu munsi ihinduriwe ejo ku cyumweru, bikazabera muri petit stade kuva saa cyenda."

Ubwo Azaph Ministries yatangizaga Fespad 2013 ariko imvura ikaba kidobya

Frank Murangwa, umuyobozi muri RDB mu ishami ry’ubukerarugendo ari nawe ushinzwe ibikorwa bya Fespad, yabwiye IGIHE ko kwimura iyi mihango igashyirwa ku Cyumweru ntacyo bizahungabanya ku migendekere myiza ya gahunda yari iteganijwe.

Biteganijwe ko iki gitaramo cyo gutangiza iserukiramuco kigaragaramo amatorero n’ababyinnyi bakomoka mu bihugu birenga 11 bya Afurika, abahanzi barenga icumi bakunzwe barimo nka Keko, Camp Mulla, Riderman, King James n’abandi.

Biteganijwe ko igitaramo cyitabirwa n'amatorero y'ibihugu birenga 11 bya Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza