Ushobora kwitabira amarushanwa yo kwandika mu Gifaransa

Yanditswe na Olivier Muhirwa
Kuya 12 Mutarama 2012 saa 02:34
Yasuwe :
0 0

Ku nkunga ya Abdou Diouf umuyobozi w’umuryango wa Francophonie, hateguwe amarushanwa yo kwandika mururimi rw’Igifaransa.
Aya marushanwa agenewe urubyiruko rushoboye kwandika muri urwo rurimi, murwego rw’ikitwa « le prlx du jeune ecrivain de langue francaise » n’abanyarwanda rero bakaba badahejwe kwitabira.
« Le prlx du jeune ecrivain de langue Française » ni igihembo gitangwa buri mwaka kigenewe guhemba inyandiko z’ibitekerezo zidakorewe ubugororangingo ubwo aribwo bwose, zaba zanditse muburyo (...)

Ku nkunga ya Abdou Diouf umuyobozi w’umuryango wa Francophonie, hateguwe amarushanwa yo kwandika mururimi rw’Igifaransa.

Aya marushanwa agenewe urubyiruko rushoboye kwandika muri urwo rurimi, murwego rw’ikitwa « le prlx du jeune ecrivain de langue francaise » n’abanyarwanda rero bakaba badahejwe kwitabira.

« Le prlx du jeune ecrivain de langue Française » ni igihembo gitangwa buri mwaka kigenewe guhemba inyandiko z’ibitekerezo zidakorewe ubugororangingo ubwo aribwo bwose, zaba zanditse muburyo busanzwe bw’imyandikire, ni ukuvuga; inkuru, imigani, ndetse n’ibitekerezo, byose byanditswe mururimi rw’igifaransa, n’urubyiruko ruri hagati y’imyaka 15 na 27.

Zimwe mu ngingo zigena abemerewe kwitabira aya irushanwa rya 28 rizaba muri uyu mwaka wa 2012, ni uko abakandida bagomba kuba baravutse hagati ya tariki 1/1/1985 na 31/12/1996, ndetse n’abigeze gutsinda iri rushanwa bakaba badakumiriwe noneho, niba bujuje ibisabwa. Bitandukanye n’amarushanwa yabanjirije iri.

Ikindi kandi ni uko buri mukandida ashobora kohereza inyandiko ebyiri zitandukanye, hanyuma inyandiko zatanzwe zo zikagomba kuba ntahandi zigeze zisohorwa n’inzu y’ubwanditsi iyo ariyo yose cyangwa ngo ihabwe n’ikindi gihembo icyo aricyo cyose.

Itariki ntarengwa yo kohereza izo nyandiko ikaba ari 1/3/2012 kubakandida bakomoka mubihugu bitari u Bufaransa, ni ukuvuga badafite ubwenegihugu bw’uBufaransa. Naho kubafite ubwenegihugu bw’uBufaransa ni tariki 1/4/2012.

Uburyo bwo kohereza inyandiko

Kunyandiko zituruka mu Bufaransa, u Bubiligi, ndetse n’u Busuwisi, zemerewe koherezwa zicishijwe ku i Posita gusa.

Kuri adresse ikurikira:

Prix du Jeune Écrivain

BP 40 055

31 602 Muret CEDEX

Naho kunyandiko zituruka mubindi bihugu byose, ibyemewe ni ukohereza ukoresheje E-mail, ariko ukagomba kohereza n’ikikuranga (indangamuntu) uyisikanishije (scannée), kuri iyi adresse: [email protected] bikaba atari ngombwa narimwe kohereza inyandiko ku iposita wanakoresheje email.

Kubafite ubwenegihugu bw’uBufaransa bizabasaba kandi kongeraho kopi ya sheke y’ama Euro 15 yishyuwe murwego rwa Prix du Jeune Écrivain, igomba kuba iherekeje inyandiko zabo. Naho kubakandida batari abafaransa, bikaba ari ubuntu.

Buri nyandiko igomba koherezwa ari kopi ebyiri. Igomba kuba iri hagati ya paji eshanu na 20, kandi itanditse imbere n’inyuma h’urupapuro, ahubwo yanditseho imbere gusa.]

Umutwe w’inyandiko ni ngombwa, igomba kandi kuba yanditse muri Times New Roman, corps 12, interligne double (soit 1500 caractères environ par page, espaces non compris).

Amapaji agomba kuba afite inomero, kandi impapuro zifatanishijwe inzuma (feuilles agrafées) gusa, nta reliure na attache zemewe.

Kubwo kubahiriza umutekano, n’ibanga, by’umwanditsi ntabwo izina n’umukono by’umwanditsi bigomba kugaragara munyandiko.

Mubindi bikenewe ni uko inyandiko ya buri mukandida igomba kuba iherekejwe na kopi y’indangamuntu igaragaza itariki y’amavuko, inyandiko igaragaza andi makuru y’umukandida, agaragaza icyo akora niba ari umunyeshuri n’ibyo yiga, cyangwa umukozi uhembwa, nomero ze za telefone, nomero z’iposita (uzifite) ndetse na email.

Munyandiko kandi niba hari ahakoreshejwe ibyaba byaranditswe ahandi bigomba kugaragazwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza