Bamukuye mu jisho inzoka ireshya na santimetero 13

Bamukuye mu jisho inzoka ireshya na santimetero 13


Yanditswe kuya 15-07-2012 - Saa 12:02' na Umurerwa Emma-Marie

Ubundi bimenyerewe ko inzoka zo mu nda zidakunze kurenga mu rwungano ngogozi, ariko hari aho bigera umuntu zikamurenga , zigakwira umubiri wose harimo cyane mu maso, mu bihaha no mu bwonko.

Nkuko urubuga rwa gentside.com, dukesha iyi nkuru rubitangaza umugabo batavuze amazina ye kubera impamvu ze bwite wo mu gihugu cy’u Buhinde yakuwe inzoka mu jisho ireshya na santimetero 13.

Uyu mugabo ubwo yari amaze iminsi itari mike aribwa mu jisho ku buryo budasanzwe, yagiye kwa muganga uvura amaso, amaze kumupima amusangamo inzoka ireshya na santimetero 13 mu jisho.

Inzoka yari yibereye munsi y’ijisho, ibi bikaba byaratangajwe n’umuganga mu kiganiro yagiranye n’umunyamakuru w’ibiro ntaramakuru by’abafaransa AFP.

Igikorwa cyo gukuramo iyi nzoka cyamaze iminota 15 gusa.
Iyi nzoka bamaze kuyikuramo yakomeje kwizunguza no gusimbagurika. Abari baraho bagize ubwoba bwinshi ku buryo byatumye iyi nzoka ijyanwa gupimwa ngo barebe inkomoko yayo.

Umuganga wabashije kuyitegereza neza, yatangaje ko iyi nzoka ishobora kuba yarinjiye mu jisho ry’uyu mugabo iciye mu gisebe cyangwa mu biribwa bidahiye neza, maze nyuma ikagera mu jisho iciye mu miyoboro itwara amaraso.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO