Kwamamaza

Yatunguwe no guteretwa n’umupfubuzi urutwa n’umwana we w’umuhererezi

Yanditswe kuya 6-10-2016 saa 14:16' na Hakizimana Thamimu


Mukamugema (izina ryahinduwe) w’imyaka 54 utuye ku Mumena mu Murenge wa Nyamirambo, avuga ko yatangajwe n’uburyo yatereswe n’umuhungu wiyita umupfubuzi uri mu kigero nk’icy’umwana we w’umuhererezi.

Mu kiganiro yagiranye na IGIHE yavuze ko yatunguwe cyane no kuteretwa n’umusore ufite imyaka 22 yari ahaye lift (Kumutwara mu modoka) ubwo imvura yagwaga ku mugoroba wo ku wa Mbere ku itariki ya 3 Ukwakira 2016.

Uyu mubyeyi avuga ko yababajwe n’uburyo akimara guha uwo musore lift yo kumugeza ahitwa kuri 40 i Nyamirambo, yagiye amutereta inzira yose, amubwira ko yamukunze kugera n’aho amusabye nomero ya telefone ngo ajye amuhamagara baganire.

Avuga ko uyu musore akimara kumubwira ibyo byose yatunguwe, kuko kuri we ngo yumvaga nta muntu wapfa kumutinyuka bitewe n’ikigero cy’imyaka amaze kugeramo.

Yagize ati “ Ugira ngo se uwo wanteretaga byibuze ni n’umusore ugaragara ko ahubwo yambwiye imyaka ye nkumva arutwa n’umuhererezi wanjye w’imyaka 24, uretse ko nabimubwiye ntabyumve.”

Akomeza avuga ko yatunguwe n’uburyo uwo musore yamubwiye ko ari umupfubuzi ndetse ko mu buzima bwe yikundira abagore bakuru kuko ngo ari bo baba bazi icyo gukora.

Yagize ati “ Sinkubeshye byarantunguye kuko n’ubusanzwe numvagaga ko abapfubuzi batabaho, nkabifata nk’amagambo y’abantu,uretse ko nahise mubuza gukomeza kumbwira ayo magambo cyane ko ntanameze nka ba bagore bataye umuco.”

Yasoje avuga ko nyuma yo guteretwa n’uwo musore arusha imyaka 30 yahise abona ko imperuka yegereje ahita arahira kuzongera gutwara umusore atazi.

Ubupfubuzi bwatangiye kuvugwa mu Rwanda cyane cyane mu Mujyi wa Kigali mu myaka ya 2010 akenshi bigakorwa n’abasore baba bafite inyota y’amafaranga, bagakorana imibonano mpuzabitsina n’abagore bubatse ariko batanyurwa n’abagabo.

Agace ka Nyamirambo mu mujyi wa Kigali

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved