Whatsapp yavuye ku murongo mu duce tumwe na tumwe tw’u Burayi

Yanditswe na Herve Ugirumukunda
Kuya 3 Ugushyingo 2017 saa 11:48
Yasuwe :
0 0

Abanyaburayi bakomeje kwinubira ‘application’ yo kohererezanya ubutumwa kuri telefoni zigezweho ‘Whatsapp’ yapfuye kuva mu gitondo cyo kuri uyu wa 3 Ugushyingo 2017.

Whatsapp ntiri gukora ku batuye mu Majyepfo y’u Bwongereza n’u Burayi bw’Uburengerazuba, Malaysia na Indonesia. Hari n’abo mu Bushinwa, Arabia Saoudite, u Buhinde, USA na Sri Lanka bavuze ko Whatsapp yabo ifite ikibazo.

Benshi bifashishije izindi mbuga nkoranyambaga nka Twitter na Facebook bagaragaza umujinya batewe no kudashobora kwakira cyangwa kohereza ubutumwa nk’uko byari bisanzwe.

Abandi ntibashobora gusiba cyangwa guhindura ifoto ibaranga cyangwa guhindura amakuru yabo.

Ikinyamakuru The Sun kivuga ko byatangiye saa mbili za mu gitondo ndetse ko ubuyobozi bwa Facebook ari nayo ifite Whatsapp bwatangaje ko buri gukemura icyo kibazo.

Ikibazo nk’iki cyaherukaga muri Gicurasi uyu mwaka ubwo yavaga ku murongo ku isi hose mu gihe cy’amasaha make.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza