00:00:00 IGIHE NETWORK KN KINYARWANDA EN ENGLISH FR FRANCAIS

Urutonde rw’abagore 50 bakomeye muri Amerika, ruriho abirabura babiri

Yanditswe na Muhonzire Sylvine
Kuya 5 Ukwakira 2021 saa 02:58
Yasuwe :
0 0

Ikinyamakuru Fortune cyandika inkuru zijyanye n’ubucuruzi, cyasohoye urutonde rw’abagore 50 bakomeye muri Leta Zunze Ubumwe za Amerika barimo babiri b’abirabura na batanu babaye abayobozi b’ibigo mu gihe cya Covid-19.

Fortune isanzwe isohora uru rutonde buri mwaka kuva mu 1988 aho ikunze kwerekana abagore 50 bafite imyanya ikomeye mu bigo bakorera byaba ibikora ubucuruzi, iby’uburezi, ubugeni, abakora muri guverinoma ndetse n’abakora ibikorwa by’ubugiraneza mu rwego rwo kubashimira no kubatera imbaraga.

Umugore wa mbere kuri uru rutonde ni Karen Lynch wagizwe umuyobozi w’ikigo gitanga serivisi zijyanye n’ubuzima muri Amerika cya CVS Health muri Gashyantare 2021, aho yatumye abantu benshi bakigana bagiye kwipimisha no kwikingiza Covid-19.

Uwa kabiri ni Jane Fraser watorewe kuba umuyobozi wa Banki ikomeye muri Amerika ya Citigroup ndetse akaba ari we mugore wa mbere wari ugizwe umuyobozi wayo kuva yatangira mu 1998.

Julie Sweet wari uyoboye uru rutonde mu 2020 yaje ku mwanya wa gatatu, akaba ari umuyobozi w’ikigo gitanga serivisi z’ikoranabuhanga n’ubugenzuzi cya Accenture PLC aho yagiteje imbere inyungu yacyo ikiyongeraho 12% mu ngengo y’imari ya 2021.

Abirabura baje ku rutonde rwa Fortune ni Rosalind Brewer, wagizwe umuyobozi wa sosiyete nini ikora ibijyanye n’ubuhanga mu by’imiti, Walgreens Boots Alliance, waje ku mwanya wa 6 ndetse na Thasunda Brown Duckett waje ku mwanya wa 10 aho ari umuyobozi wa TIAA, ikigo gikora ibijyanye n’ishoramari.

Ibi ni intambwe ikomeye kuri Amerika kuko ubusanzwe abirabura by’umwihariko abagore badakunda kugaragara mu myanya ikomeye muri Amerika ndetse kuva mu 1955 Fortune yatangira gukora urutonde rw’ibigo 500 bikomeye muri iki gihugu abirabura bari babiyoboye babonetsemo ni 15 gusa, kandi rukorwa buri mwaka.

Benshi muri aba bagore 50 ni abayobozi b’ibigo n’amasosiyete akomeye, aho harimo umuyobozi wungirije w’uruganda rwa Apple ushinzwe ubucuruzi n’ibikorwa byo kuri murandasi, Deirdre O’Brien, waje ku mwanya wa 27.

Karen Lynch ni we waje ku mwanya wa mbere
Rosalind Brewer ari mu birabura babiri baje ku rutonde rwa Fortune rw'abagore 50 bakomeye muri Amerika
Thasunda Brown Duckett yaje ku mwanya wa 10 ndetse aba umwirabura wa kabiri ku rutonde rwa Fortune

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .