Kwamamaza

Umunyabwenge ni nde, ni iki atajya akora mu buzima bwe?

Yanditswe kuya 12-09-2016 saa 12:27' na Tombola Felicie


Iyo havuzwe umunyabwenge, bamwe babitekereza ukwabo ariko burya ngo umunyabwenge ni wa wundi uzi guhangana n’ibibazo by’ubuzima akabivamo atanduranyije.

Abanyabwenge kandi ngo ni abakomeza urugendo nubwo mu nzira haba harimo ibicantege byinshi.

Urubuga Elcrema rugaragaza ibintu 8 umuntu w’umunyabwenge atajya akora mu buzima bwe.

1.Ni umuntu udapfobya bamwe ngo ashimishe abandi

Hari umuntu ufata undi akamupfobya cyangwa se akamusebya kugira ngo agire abandi ashimisha. Umunyabwenge ngo ibyo arabyirinda kuko aba azi ko ari amakosa.

2. Ntabwo avuga ‘yego’ ahagomba kuvugwa ‘oya’

Umunyabwenge amenya aho agomba gusubiza yego n’aho agomba gusubiza oya, ntabwo avuga yego ngo agire abo ashimisha cyangwa ngo bamwemere kandi yakagombye kuvuga oya.

Iyo abona ari ukuri kandi abyemera avuga yego uko byagenda kose kandi n’iyo abona atabyemera avuga oya akirengera ingaruka zayo.

3. Ntabwo aguma mu byashize

Umuntu w’umunyabwenge yumva neza ko kuguma mu byashize bimukomeretsa, kuri we rero icy’ingenzi ni ugukomeza imbere.

Amakosa yabaye mu gihe cyashize ntabwo ayitaho ahora atekereza ku biri imbere kuko biba ari byo byiza kuri we.

4. Ntabwo ahora atekereza ibibi gusa cyangwa ibitagenda

Umunyabwenge atekereza ibyiza, aba azi ingaruka zo guhora atekereza ibibi. Ntabwo yemerera ikibi gutura ahubwo ahora atekereza ibyiza igihe icyo ari cyo cyose.

5. Ntabwo akwena abandi bari mu bibazo

Umunyabwenge ntabwo akwena cyangwa ngo aseke abandi igihe bananiwe kugera ku byo bifuza, bahora bifuriza ibyiza buri wese kandi buri gihe ngo baba barajwe ishinga n’ubuzima bwabo aho kuba baseka abandi bahuye n’ibihombo.

6. Umunyabwenge azi neza icyo gutsindwa bivuze

Umunyabenge ntabwo abona gutsindwa nk’uko abandi babibona kuko azi ko gutsindwa ari inzira iganisha ku ntsinzi. Umunyabwenge yigira ku byamubayeho kugira ngo ayo makosa atazongera ukundi mu buzima bwe.

7. Ntabwo yicara ngo yinubire ubuzima

Usanga hari umuntu wicara akinubira uburyo ubuzima bugoye,ibibazo birimo kumubaho kandi ntacyo ari bubikoreho. Umunyabwenge we si ko abigenza kuko aba azi ko kubyinubira bidashobora kumuha igisubizo ahubwo ko bimubera umutwaro utuma adakomeza kujya imbere.

8. Ntabwo abona ubuzima nk’irushanwa

Umunyabwenge ntabwo abona ubuzima nk’irushanwa arimo n’abandi ahubwo abona ko buri wese mu buzima aba afite umwanya uhagije wo kwigaragaza.

Umunyabwenge ni wa wundi utinda kurakara, uzi kubabarira, udakwiza ibihuha, utabona abandi nk’aho ntacyo bavuze, umwe ukemura ibibazo neza.

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved