Umujyi wo mu Bufaransa wanze imishinga y’iterambere y’umuherwe wa kabiri ku Isi

Yanditswe na Dufitumukiza Salathiel
Kuya 23 Gashyantare 2021 saa 11:00
Yasuwe :
0 0

Umujyi wa Saint-Senier-de Beuvron uri mu Majyaruguru ashyira Uburengerazuba bw’u Bufaransa wanze umushinga w’umuherwe wa kabiri ku Isi, Elon Musk, wo kuhubaka iminara izafasha satellite ze kubona Internet.

Ubuyobozi bw’uwo mujyi bwatangaje ko impamvu bwateye utwatsi ibyo bikorwa remezo bya Musk ari uko butazi neza ingaruka bishobora kugira ku buzima bw’abahatuye, cyane ko ari n’umushinga mushya.

Umuyobozi wungirije wa Saint-Senier-de Beuvron, Noémie Brault, yagize ati ”Nk’ihame ry’ubwirinzi, ubuyobozi bw’Umujyi bwanze icyo cyifuzo mu nama yabaye hatabayeho no gutora [umwanzuro]. Uyu mushinga [wa Musk] ni mushya, nta makuru tuwufiteho y’ingaruka ushobora kugira ku buzima.”

Ku rundi ruhande ariko amakuru avuga ko iyo minara nta ngaruka ishobora kugira ku buzima bw’abantu kuko ibyayo byose bibera mu kirere, ndetse muri icyo gihugu hari indi minara isaga 100 ikora nk’iyo.

Uwo muherwe ufite sosiyete ikora imodoka zifashisha amashanyarazi akanagira sosiyete ikora ubushakashatsi mu isanzure, Space X, ngo yari akeneye ikibanza kingana na hegitari eshatu muri ako gace, akazubakaho iminara icyenda ireshya na metero eshatu umwe umwe.

Iyo minara igamije gufasha satellite za Space X kubona internet ihagije mu bushakashati ikorera mu isanzure, mu mushinga mugari wiswe Starlink uzagera hirya no hino ku Isi.

Uretse i Saint-Senier-de Beuvron bimye amatwi uyu munyemari ufite gahunda yo kuzatuza abantu kuri Mars, hari utundi duce dutatu yamaze kwemererwa gushyiraho ibikorwa, turimo tubiri two mu Majyepfo ashyira Uburengerazuba bw’icyo gihugu na kamwe ko mu Majyaruguru.

Agace ka Saint-Senier-de Beuvron kangiye Elon Musk kuhashyira ibikorwa remezo gasanzwe gakorerwamo ubuhinzi n'ubworozi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .