Umugore w’imyaka 42 yakatiwe igifungo cy’imyaka itatu azira gusambanya umwana

Yanditswe na Evariste Nsengimana
Kuya 11 Mutarama 2017 saa 09:18
Yasuwe : XX
0

Christine Mitchell w’imyaka 42 ufite abana batatu, ukomoka mu mujyiwa Manchester, yaryamanye n’umwana w’umuhungu w’imyaka 14 akuruwe n’ubutumwa uwo mwana yamwandikiye amukinisha.

Uwo mwana ufite umwirondoro utashyizwe ahagaraga kuko akiri muto, yandikiye ubutumwa bugufi Christine Mitchell amubaza niba akunda imibonano mpuzabitsina.

Kuwa 10 Mutarama 2017, nibwo urukiko rwitwa Grimsby Crown rwumvise ubuhamya ko uwo mwana yamwandikye ubwo butumwa amukinisha.

The Mirrror dukesha iyi nkuru ivuga ko uyu mwana yamwandikiye asa n’ugerageza amahirwe yo kubona uwo bakorana imibonano mpuzabitsina ngo yumve niba amwemerera, Christine Mitchell nta gushidikanya agahita amwemerera.

Nyuma umwana yaje kumusanga mu rugo iwe maze basambanira mu nzu y’ubwogero.

Christine wiyemerera ko yaryamanye n’uyu mwana inshuro eshatu, yireguye ko ubwo butumwa yabwanditse adatuje kuko yashakaga kwandika “oya”.

Umushinjacyaha Craig Lowe yabwiye urukiko ko umwana yari afite amatsiko ku mibonano mpuzabitsina, abumwoherereza ashaka kureba icyo amusubiza.

Gusa urukiko rwatesheje agaciro ukwiregura kwa Christine kuko ngo bakomeje gukorana imibonano mu gihe kigera ku mezi 18, ruvuga ko kuba barakomeje nyuma y’inshuro ya mbere ari ikimenyetso cy’uko bitamutunguye nk’uko abivuga.

Urukiko rwanzuye ko Christine ahamwa n’icyaha cyo gukoresha imibonano mpuzabitsina umwana uri munsi y’imyaka 16 rumuhanisha igifungo cy’imyaka itatu.

Urukiko rwa Grimsby Crown, rwategetse ko Christine afungwa imyaka itatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza