Uko dinosaurs zakendereye zigashibukamo inyoni

Yanditswe na Habimana Jean Baptiste
Kuya 3 Ukuboza 2017 saa 01:50
Yasuwe :
0 0

Abashakashatsi bagaragaje uko inyamaswa zabayeho mu myaka yo hambere za Dinosaurs zagiye zihindura isura binyuze mu tunyangingo twazo twahinduye amagaragamba akagira isura nk’iy’amababa y’inyoni.

Umubumbe wagwiriye isi mu myaka miliyoni 66 ishize wahinduye byinshi harimo no kwibasira ibinyabuzima birimo inyamaswa zakendereye ku isi za Dinosaur. Igikanka cy’inyamaswa yo mu bwoko bwa Dinosaur cyakoreweho ubushakashatsi bwagaragaje ko imiterere y’umunwa w’inyoni yakomotse ku mikurire ndetse no gutakaza amenyo kwayo.

Inyoni zatangiye kubaho mu myaka miliyoni 150 ishize, zagiye zikomoka kuri dinosaur, ndetse zimwe muri zo zari zifite amenyo. Inyoni n’ibikururanda birimo nk’ibikeri bihuje umuryango w’inkomoko. Ibyavuye mu bushakashatsi, bigaragaza ko hari na dinosaurs za kera zagiraga amababa.

Daily Mail dukesha iyi nkuru itangaza ko benshi babifata nk’ibintu bidasanzwe uburyo igikonoshwa cya dinosaurs cyahindutse amababa.

Abashakashatsi bo muri Kaminuza ya California y’Amajyepfo basesenguye iby’utunyangingo tugize ibice bitandukanye by’amaraso bizwi nka ADN mu gukura kw’imishwi n’ibyana by’ingona, hagamijwe gushyira ahagaragara itandukaniro riri hagati y’utunyangingo dukenerwa mu gukura kw’amagaragamba y’ingona n’amababa y’inyoni.

Inyoni n’ibikururanda biba mu muryango umwe witwa “archosauria” uhuza ubwoko butandukanye bw’inyoni, ingona ndetse na za dinosaurs. Uyu muryango kandi bivugwa ko ari wo wabarizwagamo ubwoko bw’inyamaswa bwinshi, mu myaka miliyoni 250 ishize.

Archosauria ni umuryango wabarizwagamo dinosaurs mu myaka myinshi cyane ndetse uko yicumaga waje kubonekamo inyoni n’ibindi bikururanda.

Impuguke mu bya siyansi zigaragaza ko muri izi dinosaurs, harimo izagiye zihinduka uko imyaka yahitaga, maze zimera amababa zitangira no kuguruka.

Aba bashakashatsi bavuga ko iri hindagurika rishingiye kuri ADN z’inyoni n’ibikururanda. Mu nyigo yabo, bagaragaje utunyangingo ‘genes’ dutanu tugira uruhare mu ikorwa ry’amababa.

Professor Choung yagize ati “Ubushakashatsi bwacu bwari bugamije gushyira ahabona uburyo utu tunyangingo two mu magaragamba tubyara amababa mu gihe runaka biturutse ku kugenda twihinduranya.”

Ubu bushakashatsi bwakozwe hashingiwe ku bisigazwa by’inyoni byavumbuwe mu Bushinwa, bivugwa ko iyo nyoni yabayeho mu myaka miliyoni 130 ishize.

Inyoni ndetse n’ibikururuka byashibutse mu nyamaswa zo mu bwoko bwa “archosaurs” zari ziganje ku isi mu myaka 250 ishize
Abashakashatsi bagaragaza ko amagaragamba yaba ariyo yahindutse akaba amababa

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza