Udukingirizo turi kugurwa nk’amasuka uko Guma mu rugo zigabanyuka ku Isi

Yanditswe na Umwali Zhuri
Kuya 29 Mata 2021 saa 07:13
Yasuwe :
0 0

Uko za Guma mu rugo zigenda zigabanywa hirya no hino ku isi niko ikorwa ry’imibonano mpuzabitsina rigenda ryiyongera nkuko byagaragajwe na sosiyete Reckitt yo mu Bwongereza ikora udukingirizo, ibikoresho by’isuku, inyunganiramirire n’ibindi byifashishwa mu mibonano mpuzabitsina.

Iyi sosiyete ikora udukingirizo dukunzwe twa Durex, yatangaje ko mu mezi atatu ya 2021 abakora imibonano mpuzabitsina biyongereye mu bihugu nk’u Bushinwa, Amerika n’ahandi za Guma mu rugo ziri kugenda zikurwaho.

Ubucuruzi bwa Reckitt mu gihembwe cya mbere cya 2021 bwiyongereye ku kigero kiri hejuru ya 10 % ugereranyije n’uko byari byifashe mu gihe nk’icyo umwaka ushize.

Iyo sosiyete ivuga ko nubwo udukingirizo twaguzwe cyane mu mezi atatu ya mbere ya 2021, ibindi bicuruzwa by’ubuvuzi bakora abaguzi bagabanyutse.

BBC yatangaje ko ubwo Coronavirus yatangiraga umwaka ushize, nta bantu benshi bakoraga imibonano mpuzabitsina cyane kubera ibibazo byatewe n’icyo cyorezo n’agahinda abantu benshi bari bafite.

Abagura udukingirizo twa Durex biyongereye mu mpeshya umwaka ushize ubwo ibihugu byinshi byari bitangiye gukuraho za Guma mu rugo.

Reckitt yatangaje ko bizeye ko udukingirizo tuzakomeza kugurwa hirya no hino ku isi kuko Guma mu rugo ziri kugenda zikurwaho.

Udukingirizo dukomeje kugurwa cyane uko ingamba zo guhashya Covid-19 zigabanywa hirya no hino ku isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .