00:00:00 IGIHE NETWORK KN KINYARWANDA EN ENGLISH FR FRANCAIS

Ubushakashatsi bwerekanye ko inzuki zishobora gutahura umuntu urwaye COVID-19

Yanditswe na Dufitumukiza Salathiel
Kuya 9 Gicurasi 2021 saa 02:03
Yasuwe :
0 0

Abashakashatsi bo muri Kaminuza ya Wageningen mu Buhorandi batangaje ko inzuki zishobora gutahura umuntu urwaye COVID-19 binyuze mu kwihumuriza.

Babivuze nyuma y’inyigo bakoreye muri laboratwari y’iyo kaminuza bifashishije inzuki zirenga 150, aho bazoherezaga kwinukiriza icyuya cy’inyamaswa zizwi nka Vison zari zandujwe Coronavirus n’izindi zitandujwe, maze urutahuye iyanduye rugasohora ururimi.

Kugira ngo zibikore neza, abo bashakakashatsi babanje kuzimenyereza kuzajya bahemba izatahuye irwaye, bakaziha amazi arimo isukari.

Byatumye zihigana umurava kugira ngo zihabwe ya mazi aryohereye, uko zibikora kenshi ariko zigira umuvuduko kugeza ubwo hemejwe ko zishobora gutahura COVID-19 mu masegonda make.

Nyuma y’izo nyamaswa, Kaminuza yatangaje ko hari n’abantu bake bakoreweho inyigo bigatanga umusaruro mwiza.

Icyakora ngo nubwo inzuki zitahura COVID-19 vuba, ntabwo zasimbuzwa uburyo busanzweho bwo gufata ibipimo bya PCR, kuko ari byo byoroha kubikoresha muri laboratwari.

Umwe mu bakoze iyo nyigo, Holger Volk, yagize ati “Ntawe uvuze ko zishobora gusimbura imashini ya PCR, ariko ziratanga icyizere cyane.”

Bijyanye n’uko inzuki ziboneka ahantu henshi, ubu buryo bushobora kugoboka ibyinshi mu bihugu bikiri mu nzira y’amajyambere bigorwa no kubona ibikoresho byo gupima Coronavirus, kuko byaba bisabwa kugura imashini zo kuzihugura gusa.

Iyi nyigo y’Abaholandi ikozwe nyuma y’iy’Abadage yaherukaga kwemeza ko imbwa zatojwe zishobora gutahura Covid-19 ku gipimo cya 94%.

Inzuki zatojwe ku buryo urutahuye COVID-19 ururimi rwarwo rwaguka
Uruyuki rwigishwa kwinukiriza icyuya cy'ufite COVID -19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .