00:00:00 IGIHE NETWORK KN KINYARWANDA EN ENGLISH FR FRANCAIS

Ubushakashatsi bwagaragaje ko ubwenge bwinshi umwana abukura kuri nyina

Yanditswe na Muhonzire Sylvine
Kuya 6 Gicurasi 2021 saa 10:56
Yasuwe :
0 0

Ushobora kuba ufite ubwenge bwinshi ariko wareba mu ba babyeyi bawe ukabona ushobora kuba ubukura kuri papa wawe. Birashoboka! kuko umwana akura ubwenge, imiterere cyangwa imico ku babyeyi be bombi.

Gusa ubushakashatsi bwakozwe bwerekanye ko ubwenge umwana agira abukura kuri nyina.

Ubusanzwe ubwenge buba mu karemangingo kitwa Chromosome X, kandi umugore aba afite utu turemangingo tubiri mu gihe umugabo agira kamwe. Bivuze ko umwana aba afite amahirwe menshi yo gukura ubwenge kuri nyina kuruta uko abukura kuri se.

Ubushakashatsi bwemeje ibi bwabanje gukorerwa ku mbeba kubera ko zifite imisusire ijya kumera nk’iy’abantu, nyuma biza kwemezwa neza bumaze gukorerwa ku bantu aho byagaragaye ko umwana w’umuhanga cyane aba yarabikuye kuri nyina.

Abashakashatsi bo muri Medical Research Council Social and Public Health Sciences muri Ecosse mu mujyi wa Glasgow nibo bashatse kureba koko niba ibyagaragaye ku mbeba ari ko bimeze no ku bantu. Bafashe abana 12,686 bari hagati y’imyaka 14 na 22 babakoraho ubushakashatsi buri mwaka kuva 1994.

Nubwo hagendewe ku bintu byinshi harimo ubwoko bw’umwana n’uburyo abayeho, byagaragaye ko abana bafite igipimo cy’ubwenge (IQ) kiri hejuru ari abagikuye kuri ba mama wabo.

Ubu bushakashatsi bwakomeje bwerekana ko nubwo bimeze gutya, ubwenge umwana akura ku babyeyi buba buri hagati ya 40% na 60% gusa, mu gihe ubundi bwose abumenya bitewe n’uburyo abayeho, aho atuye, uko yakuze n’ibindi.

Ababyeyi b’abagore ariko byagaragaye ko bagira uruhare runini mu gutuma umwana amenya bene ubu bwoko bw’ubwenge twakita ko akura ku isi, kubera ko urukundo ruba hagati y’umwana n’umubyeyi w’umugore rushobora gutuma amuhindura uko we ashaka.

Abashakashatsi bo muri Kaminuza ya Washington basanze isano rishingiye ku marangamutima riba hagati y’umwana na mama we rigira uruhare rukomeye mu mikurire y’ubwonko bwe.

Ibi byagaragaye nyuma yo kugereranya abana babawe hafi na ba mama wabo mu buryo bw’amarangamutima mu gihe cy’imyaka irindwi n’abandi batigeze bitabwaho muri ubu buryo bigaragara ko abitaweho na ba mama wabo bafite igice cy’ubwonko cyitwa hippocampus kinini ho 10% kurusha icy’abana batitaweho.

Iki gice cya hippocampus kiba mu bwonko nicyo kigena uko umuntu afata mu mutwe, uko yiga ndetse n’uko yitwara igihe ahuye n’ibibazo.

Urukundo ruba hagati y’umwana na nyina bitekerezwa ko ari rwo rutuma umwana yumva atekanye, bikamufasha kuba mu isi yifitiye icyizere kimufasha gukemura ibibazo ahura nabyo mu buzima bwa buri munsi.

Ubushakashatsi bwagaragaje ko ubwenge umwana agira abukura kuri nyina

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .