Kwamamaza

Ubusambo bw’abakoresha bwatumye abakozi bo mu ngo babigira imitwe

Yanditswe kuya 31-08-2016 saa 17:53' na Thamimu Hakizimana


Nyuma y’aho bigaragariye ko hari bamwe mu bakoresha barangwa n’ubusambo bakima abakozi bo mu rugo uburenganzira ku mafunguro arimo inyama, amafi n’ibindi,hari bamwe mu bakozi bo mu ngo mu Mujyi wa Kigali bize amayeri yo guhangana n’iyi myitwarire.

Koza ibyombo, guteka, kuvoma,gukoropa, kujyana abana ku ishuri , kumesa niko kazi abakozi bo mu rugo bahuriraho.

Hari abagira amahirwe yo kurambana n’abakoresha babo hakaba n’abatandukana na bo batamaze kabiri bitewe n’impamvu zitandukanye.

Bamwe mu bakozi bo mu ngo bataka ko bafatwa nabi n’abakoresha ndetse hakaba hari indyo zimwe na zimwe batemerewe kuryaho nyamara ari bo baba baziteguye, cyangwa na byo bakabibuzwa.

Umwe muri bo ukomoka mu Karere ka Ruhango mu Ntara y’Amajyepfo, avuga ko kimwe mu bintu byatumye aramba mu kazi ko mu rugo akora ari uko akunda kwigira injiji imbere y’abakoresha be.

Yagize ati “ Sinakubeshya kuva naza muri Kigali maze gukora mu ngo eshatu gusa mu myaka 10 mpamaze, ariko se uragira ngo hari ubundi buryo nkoresha kugira ngo mparambe uretse guhora nigira injiji ku bakoresha banjye?”

Akomeza avuga ko ahantu hose akora yigira injiji ku buryo hari ahantu yakoze bwa mbere yahavuye bazi ko atazi kwandika no gusoma.

Uyu mugabo yemeza ko gukunda ibintu kwa bamwe mu bakoresha bo mu Mujyi wa Kigali ari kimwe mu bituma abakozi bo mu ngo baba incakura.

Uwitwa Kayumba yagize ati “ Reka nkwibwirize ukuri uzi ko njye ngitangira akazi ntari nzi kubeshya cyangwa se kugavura ariko nagiye mbimenya ndetse ndabyiga kubera bamwe mu bakoresha babi nagiye mpura na bo bamfataga nk’aho nanjye ntari umuntu kuko hari n’abatekaga nk’inyama njye bakangurira indagara z’ijana.”

Yemeza ko hari n’aho yagiye gukora akababeshya ko atajya arya inyama n’amafi cyangwa se amagi bitewe n’ubusambo yigeze kubona kuri bamwe mu bakoresha be.

Yagize ati “ Nyuma yo kugira mabuja wabaraga intongo z’inyama buri uko yajyaga kuziteka cyangwa ibisate by’isamake byatumye nanjye mfata umwanzuro w’uko ahantu hose nzajya njya gukora nzajya mbabwira ko ntabirya kugira ngo hato tutazabipfa.”

Uwase Hadidja utuye mu Kagari ka Gatare mu Murenge wa Nyarugenge, we ntiyemeraya n’aba bakozi ashingiye ku kuba abakoresha bose batameze kimwe.

Yagize ati “ Ntihazagire umukozi ubabeshya gutyo none se ko uwanjye yaje akamara amezi atanu avuga ko atarya inyama n’amafi ko yaje kubinyemerera ko abirya nyuma yo kumufata ari kuyijabura mu nkono?”

Nubwo bamwe bahimba amayeri y’uko bazajya bitwara imbere y;abakoresha babo ngo icyo baba bagamije ni ukurambana na bo icyakora ntibihira bose kuko igihe kiragera bagatahurwa.

Abakozi bo mu ngo bahura n'akazi kenshi ariko rimwe na rimwe bagafatwa nabi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved