Kwamamaza

Ubufindo bwa Hakizimana uteruza akabati amazuru – Video

Yanditswe kuya 21-10-2016 saa 17:43' na Thamimu Hakizimana


Mzalendo Hakizimana utuye mu Murenge wa Kigali, mu Karere ka Nyarugenge, ni umugabo w’abana bane ufite ubuhanga budasanzwe bwo guteruza intebe n’akabati amazuru.

Uyu mugabo w’imyaka 37, ibyo akora bitangaza benshi bitewe n’ubushobozi afite bwo gushyira intebe ipima hagati y’ibiro 15 na 20 cyangwa se akabati ku zuru rye, bikamara iminota irenga itanu bitaragwa hasi, bituma hari bamwe bamufata nk’umunyabufindo.

Mu kiganiro yagiranye na IGIHE, yavuze ko ibyo akora yatangiye kubyiga afite imyaka itandatu mu Kigo cya Carlos mu Gatenga.

Yagize ati “ Gushyira udutebe cyangwa utubati ku mazuru nabyigishijwe n’Umushinwa ubwo nari nkiri umwana mu Kigo cya Carlos mu Gatenga, ariko ibi byo gutegeka amazi ngo ameneke cyangwa ngo ahagarare, ni zimwe mu mpano zanjye nagiye mbyaza umusaruro mbikesheje kiriya kigo naciyemo kera.”

Hakizimana ukorera ubufindo bwe ahantu hatandukanye aho usanga imbaga y’abahisi n’abagenzi yahuruye ikaza kumureba, yemeza ko ibyo akora bimufasha kubaho neza nta muntu asabye.

Yagize ati “ Ubu bumenyi nabuhinduyemo umwuga kuko abantu benshi banzi iyo bambonye bansaba kubibakorera bakampa amafaranga, ku buryo ku munsi ntashobora kubura ibihumbi bitanu ntahana cyangwa se 10 kandi hari n’igihe iyo byagenze neza nyarenza.”

Yakomeje avuga ko mu myaka igera kuri itanu atangiye kubyaza umusaruro ubu bumenyi atari yabura amafaranga y’ubukode bw’inzu cyangwa ngo umuryango we uburare.

Yasoje avuga ko afite inzozi zo kuzubaka inzu mu mwaka utaha ayikuye muri iyi mpano afite.

Abantu benshi baba bareba ibyo Hakizimana akora
Hakizimana agiye gushyira intebe ebyiri ku zuru
Hakizimana ashyira ingofero ku zuru ntinyeganyege
Mbere yo kwerekana ubuhanga bwe barabanza bakamwishyura
Ategeka amazi kumeneka no guhagarara akamwumvira
Hakizimana Mzalendo atereka intebe ku mazuru ikamara nk'iminota itanu itaragwa
Hakizimana yemeza ko ibyo akora bimutunze kandi ateganya kubibyaza umusaruro

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved