Kwamamaza

Ubuhamya bw’umusore wavuye mu butinganyi nyuma yo kuburamo indonke

Yanditswe kuya 25-10-2016 saa 13:02' na Thamimu Hakizimana


Umusore w’imyaka 28, utuye mu Kagari ka Rwezamenyo ya I, mu Murenge wa Rwezamenyo mu Karere ka Nyarugenge, yahishuye akaga yahuriye nako mu butinganyi nyuma yo gushukwa ko harimo amafaranga menshi ndetse n’amahirwe yo kwerekeza mu bihugu bikomeye nka Leta Zunze Ubumwe z’Amerika.

- Mbere yakundanaga n’abakobwa nk’abandi bahungu nta mususu

- Yafataga gukundana n’uwo bahuje igitsina nk’amahano akomeye

- Gukunda iraha no kuba mu buzima bwiza byatumye agenda ahinduka

Nyuma y’imyaka ine abirimo yaje kubona nta cyerekezo, ndetse n’indonke yari yitezemo arazibura, ahita afata icyemezo cyo guca ukubiri nabyo atangira ubundi buzima.

Uyu musore avuga ko yavukiye mu muryango mwiza nta kibazo afite, ndetse amaze kugira imyaka 19 yatangiye gukundana n’abakobwa nk’uko bikunze kubaho cyane ku bahungu bageze muri iki kigero cy’ubugimbi.

Uyu musore yatangarije IGIHE ko yakundanye n’abakobwa barenga 10 mbere yo kuba umutinganyi ndetse akemeza ko mbere yumvaga mu buzima bwe adashobora gukorana imibonano mpuzabitsina n’uwo bahuje igitsina.

Yagize ati “Numvaga bidashobora kumbaho na gato ko nabifataga nk’amahano, ikindi nkaba naranakundaga abakobwa cyane kandi muri icyo gihe nta nuwangaga ko dukorana imibonano, ku buryo numvaga umutinganyi nkumva ni nk’umurwayi wo mu mutwe.”

Avuga ko gukunda ubuzima buhenze kandi bwiza no gukira mu gihe gito byaje gutuma agenda ahinduka buhoro buhoro.

Ati “ Nyine kubera gukunda ubuzima bworoshye noneho no kubera ubushomeri, umusore w’inshuti yanjye yaje kumpuza n’umuzungu wari uri ino musuye aransomagura ampa amadorari 200 yo kunshimira. Kuva icyo gihe nibwo natangiye kuryamana n’abo duhuje igitsina ariko ntabikunda ahubwo ari ukugira ngo bampe amafaranga.”

Akomeza avuga ko bitewe n’uko yakuze afite inzozi zo kuzakandagira muri Leta Zunze Ubumwe za Amerika byaje gutuma aba umutinganyi kuko bari baramubwiye ko nta mutinganyi wimwa Visa.

Muhire yinjiye mu butinganyi afite imyaka 24, ashaka indonke gusa ariko asanga yarashutswe n’urungano rwe.

Uyu musore avuga ko amaze amezi atanu avuye mu butinganyi nyuma yo gusanga nta ndonke irimo nkuko yabibwiwe n’inshuti ze, nta n’icyiza na kimwe kibamo uretse ingaruka mbi ku buzima.

Nyuma y'imyaka ine ari umutinganyi, yafashe icyemezo cyo kubireka

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved