00:00:00 IGIHE NETWORK KN KINYARWANDA EN ENGLISH FR FRANCAIS

U Bwongereza: Bwa mbere imbwa yo mu rugo yasanzwemo ubwandu bwa COVID-19

Yanditswe na Zigiranyirazo Bajecteur
Kuya 12 Ugushyingo 2021 saa 08:51
Yasuwe :
0 0

Ikigo cy’u Bwongereza gishinzwe Umutekano mu by’Ubuzima, UKHSA cyatangaje ko hari imbwa mu zorererwa mu rugo yasanzwemo ubwandu bwa COVID-19 bikekwa ko yandujwe na nyirayo.
Nk’uko inkuru ya BBC ibivuga, iki kigo cyatangaje ko bikigoye kwemeza niba amatungo yo mu rugo nk’imbwa n’injangwe ashobora kugira uruhare mu kwanduza abantu COVID-19 kuko bidakunze kubaho.
Nubwo nta bimenyetso bifatika bihari byashingirwaho hemezwa amakuru yo kwanduzanya hagati y’abantu n’inyamaswa, abakora mu byanya byazo (...)

Ikigo cy’u Bwongereza gishinzwe Umutekano mu by’Ubuzima, UKHSA cyatangaje ko hari imbwa mu zorererwa mu rugo yasanzwemo ubwandu bwa COVID-19 bikekwa ko yandujwe na nyirayo.

Nk’uko inkuru ya BBC ibivuga, iki kigo cyatangaje ko bikigoye kwemeza niba amatungo yo mu rugo nk’imbwa n’injangwe ashobora kugira uruhare mu kwanduza abantu COVID-19 kuko bidakunze kubaho.

Nubwo nta bimenyetso bifatika bihari byashingirwaho hemezwa amakuru yo kwanduzanya hagati y’abantu n’inyamaswa, abakora mu byanya byazo n’abafite izishobora kororerwa mu ngo barakangurirwa cyane kuzigirira isuku bakazoza.

Ngo ubwoya bw’inyamaswa bushobora kuba indiri ya virusi ya COVID-19 nk’uko ishobora kumara igihe runaka ahantu hakunda gukorwa n’abantu benshi nko ku nzugi n’ahandi.

Umuvuyzi w’amatungo mu Bwongereza, Christine Middlemiss yavuze ko “iyi mbwa yanduye yari iri kuvurwa izindi ndwara zidafitanye isano na COVID-19 ariko ikaza guhita isanganwa icyo cyorezo, gusa ubu ikaba irimo koroherwa.”

Yashimangiye ko bazakomeza gukurikiranira hafi iyo mbwa kugira ngo babashe kumenya inama ikwiriye baha abazitunze mu rwego rwo gukomeza kurinda ubuzima bwabo kujya mu kaga.

Ubusanzwe inyamaswa zishobora kwanduza abantu virusi za corona hanyuma abantu nabo bakazanduzanya hagati yabo ariko ibi ngo ni ibintu bibaho gake cyane.

Mu bice bitandukanye by’Isi hamaze kuvugwa ubwandu bwa COVID-19 mu nyamaswa zitandukanye nk’imbwa, injangwe ndetse mu cyanya cy’i Barcelone muri Espagne ho habonetsemo intare enye zanduye icyo cyorezo.

UKHSA irakangurira abafite izi nyamaswa zikunda koroherwa mu ngo ko mu gihe bazibonanye ibibazo by’ubuhumekero, umuriro mwinshi cyangwa bakazibonana ibibazo mu rwungano ngogozi ko bakwihutira guhamagara muganga w’amatungo agasuzuma ko zitamaze kugerwamo na COVID-19.

Mu Bwongereza imbwa yasanzwemo ubwandu bwa Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .