U Burusiya: Yabeshye umugabo ko yabyaye impanga zigapfa, bagiye gushyingura basanga ni ibipupe

Yanditswe na Bukuru JC
Kuya 15 Gashyantare 2021 saa 03:18
Yasuwe :
0 0

Umugore witwa Laura Daudov wo mu Burusiya yabeshye umugabo we ko atwite impanga, igihe cyo kubyara kigeze avuga ko impanga ze zapfuye zivuka, bagiye kuzishyingura basanga ni ibipupe.

Ibinyamakuru byo mu Burusiya byatangaje ko umugabo amaze kumenya ko umugore we atwite impanga byamushimishije cyane.

Kuva ubwo umugabo yatangiye kwitegura impanga ndetse n’umugore we atangira kwitwara neza nk’umugore utwite.

Laura yavuze ko yumvaga atashobora kubwira umugabo we ko adatwite kandi bari bamaze igihe bategereje urubyaro.

Ati “Nabonye uburyo yishimye maze kubimubwira, numva sinshaka kumubabaza niko kumubeshya ko ntwite kandi atari byo. Muri make ntabwo byari ibintu nateguye neza.”

Ikinyamakuru UPI cyatangaje ko uyu mugore yageze aho akanasaba umugabo ko bimuka bakajya gukodesha hafi y’ibitaro.

Tariki 3 Gashyantare nibwo uwo mugore yabeshye umugabo we ko yabyaye impanga ariko zigahita zipfa bitewe no kuvira imbere mu mutwe.

Umugabo byaramubabaje, asaba umugore we ko impanga ze bazishyingura mu mva y’umuryango iherereye ahitwa Dagestan.

Mu gihe bari batangiye gushyingura, nibwo mubyara w’umugabo yavuze ko byaba byiza bafunguye ibikarito byari bihambiriyemo ibipupe, kugira ngo bishyirwe mu isanduku bishyingurwe neza.

Ubwo bahamburaga ibikarito, basanzemo ibipupe inkuru itangira kuba kimomo.

Umugabo yatunguwe no gusanga umugore we yaramubeshye ko atwite
Abaje gushyingura bageze ku itabaro basanga umugore yababeshye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .