Kwamamaza

U Burusiya: Umusore n’inkumi bapfiriye mu modoka bari gutera akabariro

Yanditswe kuya 17-11-2016 saa 13:44' na Umutoni Rosine


Umusore S. Artem n’umukobwa D. Anna bo mu Mujyi wa Ufa mu Majyepfo ashyira u Burengerazuba bw’u Burusiya; basanzwe mu modoka bapfuye ubwo bakoraga imibonano mpuzabitsina bakaza kuzibiranywa n’umwuka wa moteri.

Artem w’imyaka 18 na Anna wa 20 babasanze baguye mu igaraje bambaye ubusa basobekeranye amaboko, mu masaha ya nyuma y’akazi ku ya 11 Ugushyingo.

Inshuti zabo zatangaje ko bari bagiye mu rugendo rwo kwishimisha. Muri iryo garaje ngo bahageze bavuye iwabo w’uwo musore bababwiye ko bagiye gutembera gusa ngo yari agiye kwereka inshuti ye ahantu agiye kumara igihe akorera.

Mu rwego rwo kwirinda imbeho n’ubukonje bwinshi, ngo umusore yakije moteri y’imodoka kugira ngo hashyuhe, gusa ngo ubwo bari mu gikorwa cyo gutera akabariro umwuka usohorwa na moteri y’imodoka wabaye mwinshi uhita ubahitana bapfa bari muri icyo gikorwa.

Ngo ababyeyi b’umusore barategereje baraheba batangira kujya gushakisha ariko bakomerekejwe no gusanga umwana wabo yapfuye kandi yambaye ubusa we n’uwo bakoranaga imibonano.

Inshuti z’uwo musore wendaga kurangiza Kaminuza ndetse wanateganyaga kuzashinga igaraje ye mu minsi ya vuba zatangaje ko aho hantu bari barahagize ahagenewe ukwishimisha kwabo.

Urupfu rwabo bombi rwateje impaka ku mbuga nkoranyambaga bamwe bakemeza ko bapfuye neza kuko bari mu byishimo ariko abandi bakavuga ko no kutamenya aho gukorera imibonano ari akaga.

Umujyi wa Ufa ibyo byabereyemo , ni umurwa mukuru wa Leta ya Bashkortostan mu Majyepfo y’u Burusiya wiganjemo ibikorwa by’inganda ,ubucuruzi n’ibindi.

S. Artem n’umukunzi we D. Anna bapfiriye mu modoka bari gutera akabariro

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved