00:00:00 IGIHE NETWORK KN KINYARWANDA EN ENGLISH FR FRANCAIS

U Burusiya: Umupolisi yatawe muri yombi nyuma yo kumusangana ubwiherero bukoze muri zahabu

Yanditswe na Rosine Ingabire
Kuya 7 Kanama 2021 saa 04:57
Yasuwe :
0 0

Inzego zishinzwe ubugenzacyaha mu Burusiya ziherutse guta muri yombi, Col Alexei Safonov, umwe mu bapolisi bakuru bakoraga mu ishami rishinzwe umutekano wo mu muhanda nyuma yo kumukekaho ibyaha bifitanye isano na ruswa.

Uyu mugabo yatawe muri yombi nyuma yo gusaka urugo rwe bagasanga rwuzuyemo ibintu byinshi by’agaciro bitajyanye n’umushahara yahembwaga kugeza aho n’ubwiherero bwe bwari bukoze muri zahabu.

Binerekanwa mu mashusho yashyizwe hanze agaragaza inzu idasanzwe uwo mupolisi yabagamo mu gace ka Stavropol gaherereye mu Majyepfo y’igihugu.

Ubushinjacyaha bumukurikiranyeho kuba umwe mu gatsiko k’amabandi n’abagizi ba nabi, katangaga ibyangombwa bya magendu by’inzira ku bashoferi b’imodoka zitwara imizigo.

Abo bashoferi iyo bamaraga guhabwa ibyangombwa, ngo batangaga ruswa. Ibyo byangombwa byabafashaga kwambukiranya uduce twose bashaka mu Burusiya nta nkomyi, no kuri bariyeri za Polisi ntihagire ubahagarika.

Ako gatsiko Alexei Safonov yabarizwagamo, ngo kakiriye ruswa isaga amapawundi ibihumbi 187.

Uwo mugabo yafatanywe n’abandi bantu batandatu, bose bakaba bakurikiranyweho ibyaha bya ruswa.

Ubwiherero bwa colonel Alexei Safonov bwari bukozwe muri zahabu
colonel Alexei Safonov inzu ye bayisanzemo ibintu byinshi by'agaciro bitangana n'umushahara yahembwaga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .