U Buhinde: Ushinzwe kuyobora gari ya moshi yahagaritswe ku kazi azira gusinda bigakerereza ingendo

Yanditswe na Evariste Nsengimana
Kuya 9 Nyakanga 2018 saa 12:26
Yasuwe :
0 0

Umukozi ushinzwe kuyobora gari ya moshi ahitwa Murshadpur muri Leta ya Uttar Pradesh, iherereye mu Majyaruguru y’u Buhinde, yahagaritswe mu kazi azira kunywa inzoga agasinda, akanasinzira, bigatuma gari ya moshi nyinshi zari kuhanyura zikererwa.

Ku wa Gatanu w’icyumweru gishize, Deep Singh, yahamagawe n’abayobozi bashinzwe ingendo za gari ya moshi muri iyo Leta, ntiyitaba telefone bajya kumushakisha bamusanga yasinziriye mu biro bye, impande ye hateretse amacupa y’inzoga zikaze za likeri (Liquor).

Ubuyobozi bwahise bumuhagarika mu kazi, bunasaba ko akorwaho iperereza ryimbitse. Buvuga kandi ko isuzuma yakorewe ryerekanye ko mu maraso ye huzuyemo ibisindisha byinshi.

Umwe mu bayobozi yagize ati “Yari yishwe n’inzoga ku buryo atabashaga no gutambuka”.

Abahaye amakuru BBC, bavuze ko gari ya moshi nyinshi zahageze zigahagarara umwanya munini zitegereje ikimenyetso gifite ibara ry’icyatsi kibisi, kizemerera gukomeza ingendo ariko ntikiboneke kuko uwari kuziyobora yari yasinze.

Gari ya moshi nyinshi zinyura muri uyu muhanda buri munsi. Mu Buhinde abarenga miliyoni 22 bakoresha gari ya moshi 9000 buri munsi.

Mu Buhinde hakunze kugaragara abantu banywa bagasinda bari mu kazi bigatuma gahagarara. Muri Leta ya Orissa, hari abakozi bigeze kwirukanwa muri Mata nyuma y’uko kontineri 22 zicitse kuri gari ya moshi zigasubira inyuma mu birometero 11.

Mu Ugushyingo umwaka ushize indi gari ya moshi yarayobye igenda ibirometero 160 mu cyerekezo itari igiyemo biturutse ku burangare nk’ubwo.

Mu Buhinde abarenga miliyoni 22 bakoresha gari ya moshi 9000 buri munsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza