U Buhinde: Umusore yimwe akazi inshuro 40 kuko yenda kwitiranwa na ‘Saddam Hussein’

Yanditswe na IGIHE
Kuya 19 Werurwe 2017 saa 04:07
Yasuwe :
0 0

Umusore wo mu Buhinde witwa Saddam Hussain amaze igihe kinini ashaka akazi yarakabuze bitewe n’uko aho akomanze bamusubiza inyuma kuko yenda kwitiranwa na Saddam Hussein wahoze ayobora Iraq.

Imyaka igiye kuba 10 Saddam yishwe anyonzwe nyuma yo gushinjwa ibyaha byo gukora ibitwaro bya kirimbuzi no kuba akorana bya hafi n’umutwe wa Al Qaeda.

Uyu musore ukomoka mu gace ka Jamshedpur, avuga ko ntacyo ashinja sekuru wamuhaye iri zina mu myaka 25 ishize.

BBC ivuga ko uyu musore avuga ko yimwe akazi inshuro 40 n’abayobozi b’ibigo bitandukanye bibeshya ku izina rye bamwitiranya n’uwahoze ari Perezida wa Iraq nubwo adahuye mu buryo bw’imyandikire [iry’uyu musore ni ‘Hussain’].

Nyuma yo gukomeza kwimwa akazi, uyu musore yagannye urukiko kugira ngo ahindure izina asaba ko yitwa Sajid, ariko kugeza ubu ntacyo rurakora ngo rihindurwe.

Nyuma y’imyaka ibiri arangije muri Kaminuza ya Noorul Islam, mu ishami rya Engineering, uyu musore avuga ko afite agahinda aterwa no kwimwa akazi azizwa izina. Avuga kandi ko yari umuhanga mu ishuri ndetse ngo n’abo biganye bose babonye akazi, mu gihe we aho akomanze hose bamutera utwatsi.

Uretse uyu musore, ngo hari umunyamakuru ukorera mu gace ka Ramadi muri iki gihugu watangaje ko se umubyara yirukanywe mu kazi ka leta bitewe n’uko yananiwe gusobanurira abayobozi be niba atari umwe mu bagize ishyaka rya Ba’ath ryo muri Iraq, Saddam yabarizwagamo.

Umusore yimwe akazi kuko yenda kwitiranwa na Saddam Hussein/Ifoto: Internet

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244