U Buhinde: Musenyeri yatawe muri yombi ashinjwa gufata ku ngufu umubikira

Yanditswe na Mathias Hitimana
Kuya 22 Nzeri 2018 saa 03:11
Yasuwe :
0 0

Musenyeri wo muri Leta ya Kerala mu Buhinde, yatawe muri yombi kuri uyu wa Gatanu ashinjwa gufata ku ngufu umubikira.

Polisi yatangaje ko Musenyeri Franco Mulakkal ashinjwa n’umubikira utatangajwe amazina, ko yamufashe ku ngufu inshuro nyinshi hagati y’umwaka wa 2014 na 2016.

Komiseri Mukuru wa Polisi muri Kerala, Vijay Sakhare, yemeje itabwa muri yombi rya musenyeri.

Nk’uko CNN yabitangaje, yagerageje kubaza ayo makuru Diyosezi ya Mulakkal ariko ntiyabasha kubona ubasubiza. Ariko mu cyumweru gishize, iki gitangazamakuru cyabwiwe ko musenyeri abeshyerwa.

Umuvugizi wa Diyosezi, Padiri Peter Kavumpuram, yagize ati “Ni ibirego by’ibihimbano. Turi inyuma ya musenyeri. Hari inkubiri irwanya Kirisitu, abantu barashaka kugabangamira ukuri.”

CNN ivuga kandi ko ifatwa rya Musenyeri ryakurikiye imyigaragambyo y’ababikira, basabaga ko Musenyeri atabwa muri yombi.

Komiseri Mukuru wa Polisi Sakhare yagize ati “Nyuma y’iperereza, dufite ibimenyetso bihagije ko musenyeri yakoze icyaha.”

Uwo mubikira w’imyaka 44 y’amavuko yagejeje bwa mbere ikirego kuri Polisi muri Kamena, avuga ko Musenyeri Mulakkal yamusambanyije ku ngufu inshuro 13 hagati ya 2014 na 2016. Avuga ko yamufataga ubwo yabaga ari mu macumbi y’Umuryango w’Abafaransisikani.

Musenyeri Franco Mulakkal arashinjwa n’umubikira kumufata ku ngufu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza