00:00:00 IGIHE NETWORK KN KINYARWANDA EN ENGLISH FR FRANCAIS

U Bufaransa: Amaze imyaka 15 yishyurira imisoro umuntu bitiranwa, bavukiye umunsi umwe

Yanditswe na Umutoni Rosine
Kuya 29 Kanama 2021 saa 01:29
Yasuwe :
0 0

Umusaza w’imyaka 83 wo mu mujyi wa Montpellier mu Bufaransa, amaze igihe asaba gufashwa nyuma y’imyaka 15 yishyurira umusoro mugenzi we bitiranwa, banavukiye umunsi umwe.

Francis Lopez yavuze ko ikibazo cyatangiye mu 2006, kigatezwa n’amakosa yakozwe n’ikigo gishinzwe pansiyo. Mu gihe cyo kumwaka umusoro kuri pansiyo ahabwa, yatangiye kujya acibwa menshi atajyanye n’ayo yinjiza, aza kumenya ko hari undi muntu bitiranwa ari na we yishyurira umusoro.

Mu kiganiro yagiranye na Radio RMC yo mu Bufaransa, Francis yagize ati “Uwo muntu twitiranwa twavukiye mu mujyi umwe, tuvukira umunsi umwe tariki 6 Ukwakira 1938. Na nimero z’ikarita za pansiyo zirasa uretse imibare itatu ya nyuma. Natangiye kugira ibibazo mu 2006 none ubu ninjye umwishyurira imisoro.”

Uyu musaza yavuze ko amaze igihe ajya gusaba ikigo gishinzwe imisoro kumukemurira ikibazo akanasubizwa amafaranga yagiye atanga y’umurengera, ariko ngo banze kumufasha.

Ubuyobozi w’ikigo gishinzwe Pansiyo mu Bufaransa, bwijeje RMC ko mu minsi mike ikibazo cya Francis kizaba cyakemutse.

Francis amaze imyaka 15 yishyurira imisoro umuntu bitiranwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .