Twisekere:Uwanjye mwihorere dushake uwawe

Yanditswe na Kanamugire Emmanuel
Kuya 4 Ukwakira 2016 saa 11:29
Yasuwe :
0 0

1.Ibuzinganjwiri habaye impanuka, abantu barahurura baje bakora uruziga aho impanuka yabereye. Mafene aza yiruka asanga abantu ni benshi abura uko areba ibyabaye arangije atera hejuru n’ijwi rirenga ati “Mumpe umwanya ndebe uwo ni Data bagonze." Abantu bose bagwa mu kantu bamuha umwanya, ageze imbere asanga ni imbwa bagonze.

2.Mu mahanga ya kure abarwayi bo mu mutwe bashatse gutoroka ibitaro bigira inama bati “Umuzamu nareba ibumoso, dusohokere iburyo, nareba iburyo, tunyure mu irembo ry’ibumoso’’ Baromboka buhoro buhoro , umwe ambwira mugenzi we ati “Runguruke urebe aho umuzamu ari kureba’’. Aragenda mu kanya gato aba aragarutse afite agahinda, abwira mugenzi we ati “Gahunda yacu yapfuye ” Undi ati “kubera iki ?” Aramusubiza ati “Umuzamu ntawe mpasanze”.

3.Umugabo n’umugore we bajyanye mu birori byari byahuruje abantu benshi, bigeze mu gicuku umuriro urabura baraburana. Umuriro ugarutse umugabo atangira gushakisha umugore, ageze imbere ahura n’undi mugabo na we waburanye n’umugore we.

Uwa mbere aganyira mugenzi we uko byamugendekeye, undi aramubaza ati “Umugore wawe asa ate ngo numve ko hari aho naba namubonye?” Undi ati “Ni imibiri yombi, afite amaso manini y’umweru, ni muremure, afite amaguru meza, ntarondogoye ni umugore mwiza pe”.

Arangije aramubaza ati “Uwawe asa ate ngo numve niba nanjye namubonye?” Wa mugabo arabanza ariyumviraaaa arangije aramusubiza ati “Uwanjye mwihorere dushake uwawe”.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza