Kwamamaza

Twisekere:Rutemayeze akubise amaso Nyiragicari ati "Po..po...po...po...po...po...po"

Yanditswe kuya 27-09-2016 saa 10:15' na Umutoni Rosine


Umwarimu yarari kwigisha abanyeshuri isomo ry’Ikinyarwanda, nuko asaba abanyeshuri kumubwira amagambo atatu arimo igihekane ‘jy’.Uwa mbere atera urutoki hejuru ati ‘Amajyane, amajyepfo, amajyaruguru’. Baneti na we aba azamuye urutoki ati ‘Jyajyimenti, mejyajyenero, sajyenti’.Mwarimu arumirwa.

2.Umukecuru yagiye kwa muganga arwaye cyane muganga ati ubabara he? ati umugongo, amaguru, umutwe, amaboko, urubavu narwo rurambaga ororororooo..... muganga ararambirwa ati vuga muri make.Umukecuru abonye muganga yarakaye ati ‘Muri make naraboze’.

3.Rutemayeze aba agiye kwa Pasiteri arira cyane ati "Pasiteri rwose nabuze aho nahera.Pasiteri ati ‘Mwana wanjye humura rwose ndagusengera’. Rutemayeze aratangiye ati ‘Rwose nabuze aho mpera’."

Pasiteri ati "Mbwira."Rutemayeze(asepfura kubera kurira)aratangiye ati" ‘Narasambanye kandi ikibabaje nuko abenshi ari abo mu itorero."Pasiteri ati "Humura mwana wanjye ndagusengera urakira gusa byaba byiza umbwiye abo mwakoranye icyaha kugira ngo na bo mbasengere."

Rutemayeze ati "Sinzi aho nahera." Pasiteri ati "Noneho reka amateraniro narangira duhagarare imbere y’urusengero,umugore cyangwa umukobwa najya asohoka ukabona mwarasambanye ujye uvuga ngo ’Po’ bitewe n’inshuro mwabikoze.’

Amateraniro arangiye bahagarara imbere y’urusengero habanza gusohoka umukobwa mwiza w’inzobe wambaye amadarubindi akaba ariwe wari ushinzwe abakiriye agakiza vuba. Rutemayeze amubonye ati ‘Po..Po’ .Pasiteri ati ‘Mu izina ryaYesu urakize."

Hashize akanya hasohoka umukobwa w’imibiri yombi afite Bibiliya n’igitabo cy’indirimbo uwo akaba yari ’dirigente’ wa Korali.Rutemayeze amubonye ati ‘Po....Po.....Po...Po’ Pasiteri ati ‘ Mu izina rya Yesu urakize mwana wanjye’.

Bikomeza gutyo... Nyuma haza gusohoka umugore ubyibushye wambaye boubou y’ubururu afite Bibiliya n’ipendo mu ntoki uwo akaba Nyiragicari,umugore wa Pasiteri, Rutemayeze akimubona areba mu kirere ati:Po....Po.....Po.....Po.....Po......Po.....Po......Po........Po......Po....Po.......Po......Po......Po........Po.......Po.......Po........Po.........Po."

Pasiteri arahindukira aramureba n’umujinya mwinshi ati "Uragapfa,uragatsindwa, urakamira ishashi. Uragapuuu......


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved