Kwamamaza

Twisekere: Nari nkuzaniye telekomande

Yanditswe kuya 8-09-2016 saa 17:57' na Umutoni Rosine


Umujura yibye televiziyo iwabo wa Baneti, arirukanka, Baneti nawe amwiruka inyuma kibuno mpa amaguru , umwe arenga undi ahinguka.Baminutse umusozi wa kabiri, umujura aba arananiwe televiziyo ayishyira hasi aricara.Baneti aba amugezeho, umujura n’ubwoba bwinshi ati ‘Mbabarira ntunkubite wee! Baneti ati « Nari nkuzaniye telekomande. »

1.Se wa Rubyogo aganira n’umuturanyi ati « Mfite abana bane. Uwa mbere ni dogiteri, uwa kabiri ni umucuruzi, uwa gatatu atwara indege, uwa kane ni umujura.Umuturanyi ati « Uwo mujura wamwirukanye akajya kwangara? » Se wa Rubyogo ati « Oya oya sigaho, uzi ko ari we udutunze! »

2. Umusore wakoraga akazi ko gupagasa mu Mujyi yatashye iwabo ajyanye radio yari yaraguze, agezeyo abandi basore baza iwabo kumusura no kumubaza amakuru yo mu Mujyi, nuko aba afunguye ya radio ngo abumvishe umuziki, bumva umuziki biratinda, hashize akanya radio iraceceka. Wa musore abwira bagenzi be ati ‘DJ’ ahagaritse umuziki. Abandi bati ‘reka tuyifungure turebe ikibazo igize. Bafunguye basangamo ikinyenzi, bose bararira bati ‘DJ’ yapfuye.

3. Pasiteri yashatse kureba abagabo badategekwa n’abagore babo, abwira abagabo bari baje gusenga ati ‘Umugabo wese uzi ko ategekwa n’umugore nahaguruke ajye kwicara muri kiriya gipande kitarimo abantu!’Abagabo bose barahaguruka bajya muri cya gipande, hasigara umugabo umwe wari wicaranye n’umugore we.Pasiteri aramubaza ati ‘Wowe ubigenza ute? Gira abandi inama.’Wa mugabo na we ati ‘Umugore arambwiye ngo simve aha!’


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved