Twisekere: Ibintu biroroshye ahubwo mwarimu ni we ubikomeza

Yanditswe na Umutoni Rosine
Kuya 8 Kanama 2017 saa 10:53
Yasuwe :
0 0

1.Umubyeyi yari arimo aganiriza umwana we wari utangiye gutsindwa mu ishuri, kugira ngo amugaragarize aho ibintu bipfira.

Ati “Reba mu cyumweru gishize wabonye zeru mu mibare, ejo hashize wabonye zeru n’ubungubu utahanye zeru. Mbwira ikintu gikomeye kikugora kuko birakabije cyane.”

Umwana aramusubiza ati “ Ejo mwarimu yaratubwiye ngo 2+8=10, ubundi ati 7+3=10, ubundi ati 6+4=10. Papa, ibintu biroroshye ahubwo mwarimu ni we ubikomeza.”

2.Abana babiri bari abajura bikabije maze nyina yigira inama yo kubajyana kwa pasteri ngo abasengere. Pasteri aravuga ati " Hagende hinjira umwe umwe, nuko habanza umuto maze pasteri aramubaza ati "Imana irihe ?”

Umwana aramwihorera nuko pasteri amubaza amukabukira ati "Imana irihe?” Umwana ahita aturumbuka ariruka aba anyuze kuri mukuru we wari ukiri hanze, aramubaza amubaza uko bigenze.

Nuko umuto ati " Byakomeye Imana yabuze none baketse ko ari twe twayibye baratwica.”

3.Umusore yagiye gusura umukobwa bigeze gukundana nyuma baza gutandukana.
Agezeyo bamuha ifunguro mu gihe akiri ku meza ,imbwa yo muri urwo rugo itangira kumwegera yanga kumuva iruhande.

Uwo mukobwa aravuga ati"Iyi mbwa yacu ikunda abashyitsi".

Umwana waho muto aravuga ati"Oya rata, nuko uri kurira ku isahani yayo".


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza