Twisekere: ‘Arebye asanga ni umuzamu’

Yanditswe na Kanamugire Emmanuel
Kuya 1 Nzeri 2016 saa 12:22
Yasuwe : XX
0

1.Umugore yahoraga acyeka ko umugabo we asambana n’umukozi wabo wo mu rugo, bucyeye umugore ahengera umukozi yagiye iwabo, abwira umugabo ko agiye kuryama umugabo asigara mu ruganiriro areba televisiyo. Umugore aba yinyabije mu cyumba cy’umukozi ajya ku buriri araryama. Mu kanya nk’ako guhumbya yumva imirindi y’umuntu winjiye muri cya cyumba, aribwira ati “Ndamufashe dore ko yigenje (avuga umugabo we) nuko bakora ibyo bakora barangije acana itara, arebye asanga ni umuzamu.

2.Joriji yinjiye mu bagiro yitegereza umucuruzi iminota 30.Umucuruzi ageze aho aramubaza ati “Bagutumye iki sha ko unyitegereza cyane?” Joriji ati ‘mama yantumye ngo ndebe niba ufite umutwe w’ihene.’

3.Mafene: Allooo afande! Mfite ikibazo, abantu 49 barankurikiye, abandi 30 bansabye kubakurikira.

Afande: Ohh, uri ahagana he?

Joriji: kuri Instagram.

4. Umugabo w’inganzwa yatinze gutaha, bibaye mu gicuku umugore aramuhamagara n’umujinya mwinshi ati “Ubu ni saa ngahe? Urebe iyo utaha ntungerere mu rugo. Mu ijwi rituje umugabo amusubiza agira ati “Ntiwibuka ya bijuteri (Bijouterie) twigeze kunyuraho ugakunda imikufi yaho? Umugore amusubiza acishije macye ati ‘ Yego cheri ndayibuka’, umugabo ati “Ndi kunywera mu kabari byegeranye.”

5. Korali Joriji aririmbamo yatumiwe mu giterane, nuko bararirimba abakirisitu si ugufashwa bagubwa neza. Igitero cya nyuma kigeze hagati Joriji yandikira agapapuro Pasiteri amubwira ko yamusanga hanze bakavugana. Pasiteri asohoka atazuyaje, ageze hanze Joriji arambwira ati “Zimwe muzitogose bamwe muri twe ntibarya amavuta.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza