Twisekere:Niba koko unkunda mbabarira umpuze na Bob

Yanditswe na Kanamugire Emmanuel
Kuya 7 Ugushyingo 2016 saa 01:32
Yasuwe : XX
0

1.Umwana yabwiye se ati "Papa ndashaka ko umpa umunani nkubaka nkarongora. Se ati “Mwana wanjye se uzarongora nde ko abakobwa babuze n’abariho ko nta rukundo bagira?” Umwana ati “Nzarongora nyogokuru (nyina wa Se ) mbona ankunda cyane. Se ati “Wa mwana we warasaze uzandongorera mama nta soni?”Umwana ati “Njyewe se ko wandongoreye mama nakugize nte?”

2.Umuhungu yabwiye umukobwa bari inshuti ati “Nta mafaranga mfite nka Bob, kandi nta mitungo ngira nka Bob, yewe nta bigo by’ubucuruzi ngira nka Bob, nta modoka nta n’inzu ngira nka Bob. Ariko nubwo ntari umukire nka Bob, ndagukunda kandi ndifuza ko umbera umugore nkakubera umugabo.”

Mu gihe umusore yari akirangiza kuvuga, umukobwa yahise amuhobera cyane, amusomagura ku mataka aramubwira ati “Niba koko unkunda ndakwinginze mbabarira umpuze na Bob.”

3.Joriji mu ruhame rw’abandi bakirisitu, aterura ijambo aravuga ati “Njya nsoma muri Bibiliya ngahera mu itangiriro nkaminuka mu Byahishuwe nta na hamwe ndasanga handitse ifiriti,cyangwa amakaroni, ariko ba sha, muzasome neza ibice byinshi usanga bivuga umutsima, umutsima, umutsima. Yemwe akawunga na ko kazajya mu ijuru.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza