Kwamamaza

Trump yemeje ko umugore wa Bastian Schweinsteiger ariwe mwiza ku Isi

Yanditswe kuya 12-11-2016 saa 14:25' na IGIHE


Donald Trump uheruka gutorerwa kuyobora Leta Zunze Ubumwe za Amerika yatangaje ko Ana Ivanovic, umugore wa Bastian Schweinsteiger ukinira Manchester United yo mu Bwongereza ariwe mugore uhiga abandi mu buranga ku Isi.

Nk’uko ikinyamakuru Goal.Com cyabitangaje, mu 2013 ubwo umuherwe Donald Trump yasuraga Serbia, yatangaje ko Ana Ivanovic wabaye ikirangirire mu mukino wa Tennis ariwe mugore mwiza kuruta abandi bose mu buranga ku Isi.

Ana Ivanovic wigeze kuba nimero ya mbere mu mukino wa Tennis ndetse agatwara irushanwa rya French Open, afite abafana benshi ku Isi biganjemo ab’igitsina gabo kubera ubwiza bwe bubakurura, ariko kuri Trump we uyu mugore yamubereye ikizungerezi.

Ubwo yagiriraga urugendo muri Serbia, igihugu cy’amavuko cya Ana Ivanovic, mu biganiro bigamije guteza imbere ishoramari, Trump yagiranye na Ivica Dacic wari Visi Perezida w’Igihugu, ngo akimara kubona uyu mukinnyi yatwawe n’amarangamutima bituma amara igihe yivugira ku bwiza bwa Ana nk’uko uyu muyobozi yabitangaje.

Dacic, kuri ubu wabaye Minisitiri w’Ububanyi n’Amahanga, yagize ati “Mu minota 15 yivugiraga kuri Ana Ivanovic n’uburyo ariwe mukinnyi wa Tennis ndetse n’umugore mwiza kurusha abandi ku Isi.”

Dacic abajijwe impamvu Trump yibandaga cyane ku bwiza bwa Ana mu biganiro bagiranye, yagize ati “Ana arabikwiye, yari yatwawe n’ubwiza bwe.”

Uyu mugore w’imyaka 29 umwaka ushize washakanye n’Umudage ukinira Manchester United, Bastian Schweinsteiger yahuye na Trump mu 2014 baranifotoranya, ifoto yabo ikwirakwizwa ku mbuga nkoranyambaga.

Donald Trump yatorewe kuba Perezida wa 45 wa Leta Zunze Ubumwe za Amerika kuwa Gatatu w’iki Cyumweru tariki 9 Ugushyingo 2016 ahigitse Hillary Clinton bari bahanganye.

Bastian Schweinsteiger ukinira Manchester United n’umugore we, Ana Ivanovic
Ana Ivanovic yashyize ifoto hanze ari kumwe na Donald Trump

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved