Obama n’inkoramutima ye bakomeje ubuzima bw’ibyishimo hanze ya White House

Yanditswe na Jean Pierre Tuyisenge
Kuya 19 Mata 2017 saa 02:50
Yasuwe :
1 0

Uwahoze ari Perezida wa Leta Zunze Ubumwe za Amerika, Barack Hussein Obama, akomeje kugaragara mu bihe bidasanzwe aruhuka nyuma y’uko avuye ku buyobozi, cyane cyane asigaye akunda gusohokana n’umugore we Michelle Obama ahantu hatandukanye.

Ifoto yafotoye Obama mu mpera z’icyumweru gishize, imugaragaza ari gufotora umugore we Michelle LaVaughn Robinson Obama, w’imyaka 53. Bari basohokeye mu Majyepfo y’Inyanja ya Pacifique ku kirwa cya Mo’orea.

Uyu mugore w’inkoramutima ya Obama kuva mu buto, yari ari hejuru y’ubwato ahirengeye,umugabo we amufotoza iPad ku buryo inyuma ye inkengero z’inyanja zigaragara neza muri iyo foto y’urwibutso.

CNN yanditse ko muri ubu butembere, Obama yajyanye n’umwanditsi w’indirimbo akaba n’umucuranzi w’Umunyamerika, Bruce Springsteen, icyamamare muri film, Tom Hanks n’umunyamakuru w’icyamamare Oprah Winfrey; bamara amasaha abiri bari ku bwato bw’umucuruzi David Geffen, bota akazuba mbere y’uko bava muri ibyo birwa bya Tahiti.

Ubuzima bwa Obama bwarahindutse kuva aho aviriye ku butegetsi, nta kigaragara yambaye amakoti n’amakaruvati ahubwo inshuro nyinshi aba yambaye amapantaro azwi nk’amakoboyi nubwo abashinzwe umutekano we nk’umuntu wahoze ari Perezida baba bamucungiye hafi.

Perezida Barack Obama ubwo yafata ifoto y'urwibutso umugore we, Michelle

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza