00:00:00 IGIHE NETWORK KN KINYARWANDA EN ENGLISH FR FRANCAIS

Nyarugenge: Yacyuye indaya yanga kuyishyura biteza umutekano muke

Yanditswe na Thamimu Hakizimana
Kuya 16 Ugushyingo 2021 saa 02:27
Yasuwe :
0 0

Umugabo utuye mu Kagari ka Munanira ya II mu Murenge wa Nyakabanda, Akarere ka Nyarugenge yatahanye indaya nyuma yanga kuyishyura biteza umutekano muke.

Ahagana saa munani z’ijoro ryo ku Cyumweru tariki ya 14 Ugushyingo 2021, nibwo muri aka gace humvikanye urusaku rw’umugore watabazaga avuga ko umugabo batahanye atubahirije amasezerano bagiranye.

Uyu mugore yabwiye abaturage ko we n’uwo mugabo bari bemeranyije kuryamana, akamwishyura amafaranga ibihumbi bitanu. Ngo uwo mugabo bari bahuriye mu muhanda ahagana saa sita z’ijoro, amubwira ko umugore we adahari bityo byaba byiza batahanye bakajya kumarana irungu.

Yagize ati “Duhuriye hariya muri Karabaye arambwira ngo umugore we ntahari yatashye ubukwe. Turahageze arangije ahita atangira kunsohora mu nzu ankubita, nibwo nsakuje ntabaza kugira ngo atanyicira aha kubera ko urabona ko yanankomerekeje.”

Uyu mugabo we yahakaniye abanyerondo ko atigeze aryamana n’uwo mugore, gusa yemeza ko bari bari kumwe mu nzu baganira.

Ati “ Ntabwo njye naryamanye na we kuko mfite umugore wanjye nkunda, uyu yaje mu nzu byo sinabihakana ahubwo yashatse ko tubikora ndanga.”

Abanyerondo n’abaturage baho baje kumva ibibaye bagerageje kubunga, umugabo yemera kwishyura ariko abaca mu rihumye baramubura.

Uku gushwana k'umugabo n'indaya bari bararanye byabereye mu Murenge wa Nyakabanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .