Nyakanga 2019 niko kwezi kwa mbere gushyushye isi yagize

Yanditswe na Ferdinand Maniraguha
Kuya 16 Kanama 2019 saa 10:46
Yasuwe :
0 0

Ikigo cyo muri Leta Zunze Ubumwe za Amerika gishinzwe iby’inyanja n’ikirere (National Oceanic and Atmospheric Administration, NOAA), cyatangaje ko ukwezi kwa karindwi gushize ariko kwezi kwa mbere kwabayemo ubushyuhe bukabije mu mateka y’isi.

Byatangajwe nyuma yo gukusanya ubushyuhe bwaranze uko kwezi mu bice bitandukanye by’isi, bagasanga ubushyuhe muri uko kwezi bwariyongereyeho dogere selisiyusi 0.95 .

Uhereye mu mwaka wa 1880, nibwo bwa mbere ukwezi kwa karindwi kwiyongereyeho ubushyuhe bwinshi kuri icyo kigero.

Kwiyongera k’ubushyuye muri Nyakanga byaturutse ku bushyuhe bwagiye bugaragara mu bice bitandukanye by’isi muri uko kwezi nko mu Burayi ndetse no mu bice birimo urubura rwinshi mu Nyanja rwarashonze.

Ubundi bushyuhe budasanzwe bwagaragaye mu bice bya Alaska, muri Canada y’Iburengerazuba no mu Burusiya rwagati aho bwiyongereyeho dogere selisiyusi 2 ugereranyije n’ubushyuhe busanzwe.

Mu bice nka Aziya y’amajyaruguru n’iy’amajyepfo ashyira uburengerazuba, mu bice bya Afurika na Australia naho hagaragaye ubwiyongere bukabije bw’ubushyuhe.

Guhera muri Mutarama 2019 kugeza muri Nyakanga, NOAA itangaza ko ari igihe cya gatatu cyagize ubushyuhe bwinshi mu mateka y’isi kuko ubushyuhe bwiyongereyeho dogere selisiyusi 1.46.

Kwiyongera k’ubushyuhe bw’isi kuri guterwa ahanini n’imyuka yangiza ikirere ikomeje koherezwa.

Mu 2018, Ihuriro ry’abashakashatsi ba za Guverinoma ku bijyanye n’imihindagurikire y’Ikirere , ryatangaje ko hakwiriye ingamba mu guhagarika ubwiyongere bw’ubushyuhe ku isi , bukabanyukaho dogere selisiyusi 1.5.

Iryo huriro ryatangaje ko kugira ngo ibyo bigerweho bizasaba impinduka zigaragara mu mikorere y’abatuye isi bose.

Ukwezi kwa karindwi gushize niko kwezi kwa mbere kwabayemo ubushyuhe bukabije mu mateka y’isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza