Kwamamaza

Nari narapfuye none nazutse-Perezida Robert Mugabe

Yanditswe kuya 3-09-2016 saa 18:39' na Ntakirutimana Deus


Perezida wa Zimbabwe, Robert Mugabe aherutse gufata indege imwerekeza mu mahanga asohotse igitaraganya mu nama y’Umuryango w’ubukungu w’ibihugu bya Afurika yo mu majyepfo [SADC], abantu batandukanye batangira gukeka ko yagiye kwivuza i Dubai, abandi bahwihwisa ko yaba yapfuye.

Mugabe yasohotse mu nama yari yitabiriye ya SADC yaberaga muri Swaziland itarangiye kuwa Kabiri w’iki cyumweru. Ibyangombwa by’inzira byerekana ko Mugabe yafashe indege yerekeza i Dubai, mu gihe agihaguruka byavugwaga ko agiye muri Aziya.

Uyu mukambwe w’imyaka 92 y’amavuko yagarutse muri Zimbabwe kuri uyu wa Gatandatu tariki ya 3 Nzeli 2016, aho yageze ku kibuga cy’indege cya Harare agatera urwenya abanyamakuru avuga ko yari yarapfuye none akaba yazutse.

Ati “Nibyo, nari narapfuye. Narazutse nkuko mpora nzuka. Buri gihe iyo ngarutse mu gihugu cyanjye nongera kuba muzima.”

Ibitangazamakuru bitandukanye byanditse ko ageze kuri icyo kibuga yabwiye abanyamakuru mu rurimi kavukire rw’igi-Shona ko yari yagiye Dubai kubera ikibazo cy’umwe mu bana be.

Ikinyamakuru ’The Southern Daily’ cyari cyanditse ko Mugabe yahitanywe n’indwara y’umutima, ngo Zimbabwe ikaba iri kuyoborwa na Visi Perezida we Emmerson Mnangagwa.

Zimbabwe ikomeje kuba mu bibazo bya politiki, aho bamwe bashaka ko Mugabe arekura ubutegetsi amazeho imyaka 29.

Mu cyumweru gishize muri icyo gihugu habaye imyigaragambyo yatumye abantu benshi batabwa muri yombi, ndetse leta ihita ibuza ibikorwa byose byo kwigaragambya mu gihe cy’ibyumweru bibiri.

Abatavuga rumwe na Mugabe bamushinja ko yatumye ubukungu bw’igihugu busubira inyuma ndetse ubutegetsi bwe bukaba bwaramunzwe na ruswa kuva nyuma y’uko Zimbabwe yari yarakolonijwe n’Abongereza ibonye ubwigenge mu 1980.

Mugabe yatangaje ko azongera kwiyamamaza mu matora y’uzayobora icyo gihugu ateganyijwe muri 2018.

Mugabe yateye urwenya avuga ko nyuma yo gupfa yongeye kuzuka
Mugabe yasohotse mu nama ya SADC igitaraganya, ibinyamakuru byinshi bitangaza ko yagiye kwivuriza i Dubai
Polisi ya Zimbabwe yatanye mu mitwe n'abigaragambya muri iki cyumweru

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved