Muri Indonesia habonetse umusaza ufite imyaka 145

Yanditswe na Kanamugire Emmanuel
Kuya 31 Kanama 2016 saa 06:48
Yasuwe : XX
0

Muri Indonesia hagaragaye umusaza witwa Mbah Gotho uhamya ko afite imyaka 145 dore ko yavutse mu 1870, akaba ari we muntu wa mbere ugize imyaka myinshi ku Isi.

Gotho ufite ibyangombwa bigaragaza ko yavutse ku itariki 31 ukuboza 1870 ashobora gusimbura Jeanne Calment wapfuye mu 1997 afite imyaka 122 ku mwanya w’umuntu wabayeho igihe kinini.

Inkuru dukesha the Independent ivuga ko nubwo ashobora guca aka gahigo, Gotho yifuza gupfa kuko kubera imyaka myinshi atakibasha kwigaburira cyangwa kwiyuhagira.

Nk’uko bigaragara mu mashusho yashyizwe hanze n’iki kinyamakuru, ikintu uyu mukambwe abasha ni ukujya kwicara hanze yitumurira agatabi.

Gotho uvuga ko kuramba abikesha kwihangana, igihe cye kinini akimara yiyumvira radio kuko amaso ye asa n’ayahumye adatuma abasha kureba televiziyo.

Ahamya ko amaze gushyingura abavandimwe be 10, abagore be bane ndetse n’abana be bose ndetse na we akaba yaratangiye kwitegura gupfa mu 1992 ari na bwo imva ye yacukuwe.

Nubwo ariko Ibiro bishinzwe ibarura muri Indonesia byemeza ko yavutse mu 1870, ntabwo azashyirwa mu gitabo cy’abaciye uduhigo( Guiness book of records) kuko bitoroshye kugenzura ko ibyanditswe mu byangombwa bye ari ukuri koko.

Uyu musaza ngo yiteguye gupfa, icyo ashoboye ni ugutumura agatabi, kwigaburira byaramunaniye
Ibyangombwa bye ngo bigaragaza ko afite imyaka 145

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza